कोरिया भाषा परीक्षा तयारी गराउने मोबाइल एप निःशुल्क

बुधबार, १७ जेठ २०७४, ११ : ०४

 काठमाडौं—कोरियामा रोजगारीका लागि अनिवार्य रहेको भाषा परीक्षा (इपिएस टपिक) को तयारी मोबाइलबाटै गर्न सकिने गरी निःशुल्क मोबाइल एप तयार भएको छ। उरी कन्सलटेन्सीले एन क्लाउड र साइबर लिङ्कसँग सहकार्य गरी तयार पारेको यो एपमा इपिएस टपिक परीक्षामा जस्तै सुनाइ र पढाइका प्रश्नहरु र सम्भावित उत्तर राखिएका छन्।

‘इपिएसमा जस्तो किसिमले प्रश्न सोध्ने गरिन्छ, त्यही शैलीमा हामीले एपमा प्रश्नहरुको सेट राखेका छौँ,’ उरी कन्सलटेन्सीका उदेश श्रेष्ठ भन्छन्, ‘एप चलाएर सजिलै टेस्ट दिन सकिन्छ, टेस्ट दिने बित्तिकै यसको रिजल्ट तपाईँले हेर्न सक्नुहुन्छ। यसले तपाईँलाई वास्तविक इपिएस परीक्षाका लागि आत्मविश्वास पनि जगाउँछ।‘

एनक्लाउडले पहिला पैसा तिर्नुपर्ने एप बनाएको थियो। अहिलेको एप डाउनलोड गर्न चलाउन कुनै शुल्क लाग्ने छैन। छोटो समयमै लोकप्रिय यो एप हाललाई एण्ड्रोइड भर्सनमा मात्र उपलब्ध छ। छिटै आइओएस भर्सनमा पनि निर्माण गर्ने तायरी भइरहेको कम्पनीले जनाएको छ।

लेबर कन्ट्र्याक्ट,रोजगार अनुमति लगायत इपिएससँग सम्बन्धित सबै समाचार पनि यो एपमार्फत् थाहा पाउन सकिनेछ। यो एप गुगल प्लेस्टोरमा उरी इपिएस टपिक टेस्ट सर्च गर्दा देखिनेछ।

Source: Click Here

Leave a Reply

Your email address will not be published. Required fields are marked *