१५ वैशाख, काठमाडौँ।
निजी क्षेत्रको दूरसञ्चार कम्पनी एनसेल आजियटाले अब प्रयोगकर्तालाई ९७० रेन्जबाट मोबाइल नम्बर उपलब्ध गराउने भएको छ ।
एनसेलले बिहीबार एक सूचना जारी गर्दै ९८० रेन्जमार्फत नम्बर उपलब्ध गराउँदै आएको सिमकार्ड सकिएकोले ९७० बाट नयाँ नम्बर उपलब्ध गराउन लागेकाे हाे ।
उक्त सूचनामा भनिएको छ, “यस एनसेल आजियाटा लिमिटेडले आफ्ना ग्राहकहरूको सुविधाका लागि नेपाल दूरसञ्चार प्राधिकरणद्धारा मिति २०७९/१२/६ मा स्वीकृति प्रदान गरिएको पत्र अनुसार ९७०xxxxxxx देखि सुरू हुने नयाँ मोबाइल नम्बर सुचारू गर्न लागेको कुरा सहर्ष जानकारी गराउँदछौं ।’ यस नम्बरका साथ आगामी दिनहरूमा हामी हाम्रा ग्राहकहरूलाई थप सुविधा र अझै विस्तारित सेवा प्रदान गर्नेछौं ।”
एनसेलले दूरसञ्चारको नियामक नेपाल दूरसञ्चार प्राधिकरणबाट २०७० चैत ६ मा नयाँ नम्बरिङ रेञ्जका लागि स्वीकृति पाइसकेको र सोही अनुरुप अब ९७० बाट सुरु हुने मोबाइल नम्बर वितरण गर्न कम्पनीले जनाएको छ ।
प्राधिकरणका अनुसार एनसेलले करिब तीन करोड सिम वितरण गरिसकेको छ। तीन करोड सिमको लागि प्राधिकरणले एनसेललाई ९८०, ९८१ र ९८२ रेन्ज प्रदान गरेको थियो।
