श्रमिक शान्ति क्याम्पसद्वारा BAIDS, BCSIT र BALLB को अभिमुखीकरण कार्यक्रम सम्पन्न
१३ असोज, काठमाडौं।
पोखरा विश्वविद्यालयको आङ्गिक क्याम्पस श्रमिक शान्ति क्याम्पस (च्यासल, ललितपुर) ले BAIDS (आर्टिफिसियल इन्टेलिजेन्स एण्ड डेटा साइन्स), BCSIT (कम्प्युटर साइन्स एण्ड इन्फर्मेशन टेक्नोलोजी), र BALLB (कानून) कार्यक्रमका नयाँ विद्यार्थीहरूका लागि अभिमुखीकरण कार्यक्रम सफलतापूर्वक सम्पन्न गरेको छ।
कार्यक्रममा विश्वविद्यालयका प्रतिनिधि, प्रविधि क्षेत्रका विज्ञ, प्राध्यापक तथा विद्यार्थीहरूको उपस्थिति रहेको थियो।
एकेडेमिया र उद्योगबीचको सहकार्यमा जोड
कार्यक्रममा विशेष अतिथिका रूपमा बोल्दै कम्प्युटर एसोसिएसन नेपाल (क्यास फेडरेसन) का कार्यवाहक अध्यक्ष तथा साइबर सुरक्षा कम्पनी वन कभर प्राइभेट लिमिटेड (One Cover Pvt. Ltd.) का संस्थापक/सीईओ चिरञ्जीवी अधिकारीले शैक्षिक क्षेत्र र प्रविधि उद्योगबीचको सहकार्यमा जोड दिनुभयो।
“एकेडेमियाले मौलिक खोज र दीर्घकालीन सोचको सिर्जना गर्छ भने उद्योगले द्रुत प्रवर्धन, व्यावहारिक कार्यान्वयन र बजार व्यवस्थापनलाई अगाडि बढाउँछ,” अधिकारीले भन्नुभयो।
उहाँका अनुसार यी दुई क्षेत्रबीचको खाडल पुर्न समयसीमा, प्रोत्साहन र कार्यगत लक्ष्यहरूलाई सन्तुलित बनाउनु आवश्यक छ।
मुख्य भिन्नता र समाधानका उपायहरू
Advertisement
अभिमुखीकरणका क्रममा विश्वविद्यालयको अध्ययन र बजारको मागबीचका मुख्य भिन्नताहरू प्रस्तुत गरिएका थिए:
शैक्षिक दृष्टिकोण: गहिरो सैद्धान्तिक ज्ञान, अनुसन्धान र दीर्घकालीन अध्ययन।
उद्योगको माग: तीव्र कार्यसम्पादन, उत्पादनको विस्तार (Scalability), तत्काल प्रतिफल (ROI), र बौद्धिक सम्पत्ति संरक्षण।
खाडल पुर्ने रणनीतिहरू:
सहकार्यत्मक ढाँचा: संयुक्त अनुसन्धान आयोजना, उद्योग-समावेशी पाठ्यक्रम निर्माण, र साझा प्रयोगशालाको विस्तार।
पाठ्यक्रम परिमार्जन: AI र क्लाउड प्रविधि जस्ता अत्याधुनिक विषयहरू र व्यावहारिक प्रणालीगत ज्ञानलाई पाठ्यक्रममा समावेश गर्ने।
प्रतिभा आदान-प्रदान: उद्योग फेलोशिप, भिजिटिङ रिसर्चर र सह-कार्यक्रममार्फत प्राध्यापक र प्रविधि विज्ञहरूबीच अनुभव आदान-प्रदान बढाउने।
For more: Shramik Shanti Host Orientation BAIDS
