सिडीएससी सञ्चालक प्रविन पन्दाकलाई नेप्सेले फिर्ता बोलायो: ‘हेलो सरकार’ को उजुरीपछि कडा कदम
११ वैशाख, काठमाडौं।
नेपाल स्टक एक्स्चेञ्ज (नेप्से) ले सिडिएस एण्ड क्लियरिङ लिमिटेड (सिडीएससी) का सञ्चालक प्रविन पन्दाकलाई फिर्ता बोलाउने निर्णय गरेको छ।
राजनीतिक पहुँच र शक्तिको दुरुपयोग गरी गैरकानुनी रूपमा पद ओगटेको भन्दै प्रधानमन्त्री कार्यालयको ‘हेलो सरकार’ मा उजुरी परेपछि नेप्से सञ्चालक समितिले यो कदम चालेको हो।
नवौँ तहका कर्मचारी पन्दाकलाई नियमावली विपरीत लामो समयदेखि प्रमुख पदमा काजमा राखिएको र उनीमाथि आर्थिक अनियमितताका सम्बन्धमा अख्तियारमा समेत उजुरी परेका थिए।
विधिको शासन र प्रणालीगत सुधारका लागि यो निर्णयलाई महत्वपूर्ण मानिएको छ।
Advertisement
पन्दाक नेप्सेको नवौँ तहको कर्मचारी भए तापनि उनलाई नियमावली विपरीत एक वर्षभन्दा बढी समयदेखि सिडीएससीको प्रमुख पदमा काजमा राखिएको थियो।
यो नियुक्ति गैरकानुनी रहेको र उनले आफू कानुनभन्दा माथि रहेको दम्भ प्रस्तुत गर्दै शक्तिको आडमा विधि मिचेको विषयलाई उजुरीमा गम्भीरतापूर्वक उठाइएको थियो।
उनीमाथि विभिन्न आर्थिक अनियमितताका विषयमा अख्तियार दुरुपयोग अनुसन्धान आयोगमा समेत पटक–पटक उजुरी परेका थिए।
For more: NEPSE CDSC Recall Pravin Pandak
