एआईको युगमा नेपालका लागि साझा बाटो खोज्दै: खुला राष्ट्रिय अभियानको सुरुवात

१० कात्तिक,  काठमाडौं।

नेपालको राष्ट्रिय हित, सार्वभौमसत्ता र दीर्घकालीन समृद्धिलाई ध्यानमा राख्दै नयाँ प्रविधिको उपयोग र राष्ट्रिय प्राथमिकता निर्माणका लागि ‘एआईको युगमा नेपालका लागि साझा बाटो खोज्दै’ शीर्षकको खुला राष्ट्रिय अभियान औपचारिक रूपमा सुरु भएको छ।

बदलिँदो अन्तर्राष्ट्रिय परिवेश, नेपालको भू-राजनीतिक यथार्थ र कृत्रिम बुद्धिमत्ता (AI) ले ल्याएको तीव्र परिवर्तनलाई आत्मसात् गर्दै देशका सम्पूर्ण सरोकारवालाहरूलाई एउटै मञ्चमा ल्याउने उद्देश्यले यो अभियान अघि बढाइएको हो।

समावेशी संवाद र बहुपक्षीय सहकार्य

यस अभियानले नेपालका राजनीतिक दल, उद्योग-व्यवसाय, प्राज्ञिक क्षेत्र, नागरिक समाज, जेन-जी (Gen-Z) युवा पुस्ता र प्रवासमा रहेका नेपालीहरूलाई जोडेर रचनात्मक बहस सञ्चालन गर्ने लक्ष्य राखेको छ। विदेशमा रहेका प्रवासी नेपालीको ज्ञान, सीप र अनुभवलाई प्रविधिसँग जोडेर नेपालको विकासमा प्रयोग गर्नु यस अभियानको प्रमुख प्राथमिकतातर्फ सङ्केत गर्छ।

अभियानका संयोजक सौरभ राज पन्त का अनुसार नेपालको दिगो भविष्यका लागि राष्ट्रिय सहमति निर्माण गर्नु अनिवार्य भइसकेको छ।

“हाम्रो भौगोलिक यथार्थ, बदलिँदो अन्तर्राष्ट्रिय परिवेश र एआईले ल्याइरहेको परिवर्तनलाई बुझ्दै सबै पक्षलाई साझा संवादमा जोड्नुपर्छ। राष्ट्रिय हितलाई केन्द्रमा राखेर तथ्य, अनुभव र विविध दृष्टिकोणका आधारमा नेपालको साझा बाटो खोज्नु नै यस अभियानको मूल उद्देश्य हो,” संयोजक पन्तले स्पष्ट पार्नुभयो।

Advertisement

एआई, सुशासन र समावेशी विकास

यस राष्ट्रिय अभियानले एआई र नवप्रविधिलाई केवल प्राविधिक विषयमा मात्र सीमित नराखी शिक्षा, रोजगारी, सुशासन, सार्वजनिक सेवा प्रवाह र समावेशी विकाससँग जोडेर विस्तृत छलफल चलाउनेछ।

यसका साथै, नेपालको स्वतन्त्र निर्णय क्षमता, राष्ट्रिय स्वाभिमान र दीर्घकालीन हितलाई ध्यानमा राख्दै अन्तर्राष्ट्रिय सम्बन्ध तथा राष्ट्रिय विकासका प्राथमिकताबारे तथ्यमा आधारित भएर रचनात्मक बहस अघि बढाइनेछ।

विविधताको सम्मान र साझा भविष्य

यो अभियान कुनै एक विशिष्ट राजनीतिक दल, क्षेत्र वा समुदायमा सीमित नरहने आयोजकहरूले जनाएका छन्। नेपालको भौगोलिक, सामाजिक, आर्थिक तथा सांस्कृतिक विविधतालाई सम्मान गर्दै फरक विचारप्रति खुलापन र रचनात्मक सहकार्यमार्फत साझा राष्ट्रिय समझदारी निर्माणमा योगदान पुर्‍याउने यसको उद्देश्य छ।

आगामी दिनमा विभिन्न चरणका संवाद, नीतिगत छलफल र विचार आदानप्रदानमार्फत नेपालको दीर्घकालीन हित, प्रविधिमैत्री विकास र उज्ज्वल भविष्यका लागि व्यावहारिक विकल्पहरू पहिचान गरिने बताइएको छ।

For more: National Campaign AI Nepal