२५ फागुन २०७६, काठमाडौं ।
अनलाइनमार्फत फुड डेलिभरी गर्ने ‘फुडमान्डु’ को वेबसाइटमा साइबर हमला भएको छ । शनिबार राती भएको ह्याकबाट ह्याकरले ग्राहकहरुको व्यक्तिगत विवरणहरुमा अनाधिकृत पहुँच बनाएको फुडमाण्डुले जनाएको छ ।
कम्पनीले एक विज्ञप्ति जारी गरेर आफ्नो कमजोरी शनिबार रातिनै सच्याइएको बताएको छ । चेारिएको व्यक्तिगत विवरणहरु ह्याकरले एक वेबसाइटमार्फत सार्वजनिक गरिरहेको छ ।
फुडमान्डुले हमला भएपछि प्रहरीको साइबर अपराध डिभिजनमा जानकारी पनि गराएको जनाएको छ । घटनापछि पनि फुडमान्डुले सेवा भने जारी राखेको छ ।
