२३ जेठ, काठमाडौं ।
नेपाल नागरिक उड्डयन प्राधिकरणले उडिरहेको जहाजभित्र फोटो र भिडियो खिच्ने बुद्ध एयरका पाइलटलाई कारबाही गरेको छ ।
तीन दिनअघि प्राधिकरणमा उजुरी परेपछि अर्काे सूचना नआउन्जेल सम्मका लागि ती पाइलटलाई कारबाही गरिएको प्राधिकरणका सूचना अधिकारी जगन्नाथ निरौलाले जानकारी दिए ।
उडानको क्रममा टिकटक भिडिओ बनाउने, फोटो खिच्ने क्रम बढ्न थालेपछि प्राधिकरणले केही समय अगाडि नै यस्तो गतिविधिमा प्रतिबन्ध लगाएका थिए ।
जहाज उडानका क्रममा ती पाइलटले फोटो र भिडियो खिचेको उजुरी परेसँगै ‘एक्टिभ ड्युटी’ बाट हटाइएको प्राधिकरणका प्रवक्ता जगन्नाथ निरौलाले बताए।
उनका अनुसार यस विषयमा प्राधिकरणले पाइलटसँग स्पष्टीकरण सोधेको छ।
