१० मंसिर, २०७६, काठमाडौं
कम्प्यूटर एसोसिएसन अफ नेपाल महासंघ(क्यान महासंघ)को शनिवार नयाँ नेतृत्वको लागि भएको निर्वाचनमा अध्यक्ष पदमा नवराज कुँवरले जित हासिल गरेका छन् । मङ्सिर ७ गते १३ औं कार्यसमितिको निर्वाचनमा प्रतिष्पर्धी सुनैना घिमिरे पाण्डेलाई पराजित गर्दै कुँवर अध्यक्षमा विजयी भएका हुन् । शनिवार राती अबेर सार्वजनिक भएको मत परिणाम अनुसार अध्यक्ष पदमा कुँवरले जित हात पारेका हुन् ।
अघिल्लो कार्यसमितिमा प्रथम उपाध्यक्ष रहेका कुँवर अध्यक्ष भएका हुन । त्यस्तै, उपाध्यक्षमा रञ्जित पोदार (संस्थागत), रत्नतारा वैद्य (महिला), खुशल रेग्मी (व्यक्तिगत साधारण) र रेशम गिरी (जिल्ला अन्तर्गत) निर्वाचित भएका छन् ।
त्यसैगरी, महासचिवमा नारायण बहादुर थापा निर्विरोध निर्वाचित भएका छन् । सचिवमा केन्द्रीय कार्यसमिति बाट चिरञ्जिवी अधिकारी (वस्तुगत) निर्विरोध निर्वाचित भएका छन् भने थप सचिव पद अन्तर्गत रेग बहादुर भण्डारी (व्यक्तिगत साधारण), राजेन्द्र अर्याल (संस्थागत) निर्वाचित भएका छन् ।
त्यसैगरी, कोषाध्यक्षमा डा. पवनकुमार शर्मा चयन भएका छन् भने सह- कोषाध्यक्ष पदमा निर्णय आउन वांकी छ ।
प्रदेश सचिव अन्तर्गत (प्रदेश नं. १) ठाकुरकुमार श्रेष्ठ, (प्रदेश नं. २) भुपालदास श्रेष्ठ र दिपेन्द्र कुमार सिंह, (प्रदेश नं. ३) शेखरनाथ दुलाल, (प्रदेश नं.४) जगतबहादुर गुरुङ्ग, (प्रदेश नं. ६) दलबहादुर खड्का, (प्रदेश नं. ७) हर्क सेटी निर्वाचित भएका छन् ।
