दक्षिणढोकामा स्वागत ट्रेडिङ ग्रुपको नयाँ बहु–ब्रान्ड शोरूम संचालनमा
८ असार, काठमाडौं ।
स्वागत ट्रेडिङ ग्रुपले काठमाडौंको गोकर्णेश्वर नगरपालिका–७, दक्षिणढोकामा आफ्नो नयाँ बहु–ब्रान्ड शोरूम ‘शिवशक्ति बिजनेस हाउस’ को उद्घाटन गरेको छ ।
सोमबार आयोजित कार्यक्रममा नेपालका पूर्वप्रधानन्यायाधीश प्रकाशमान सिंह राउतले शोरूमको उद्घाटन गरेका हुन् । समारोहमा स्वागत ग्रुपका सञ्चालक जगेश्वर यादवसहित व्यवसायी, ग्राहक तथा स्थानीयवासीको उल्लेखनीय उपस्थिति थियो ।
कार्यक्रममा बोल्दै सञ्चालक जगेश्वर यादवले स्वागत ग्रुपले २३ वर्षको सफल यात्रा पूरा गरी २४औँ वर्षमा प्रवेश गरेको जानकारी दिँदै यो कम्पनीको छैटौँ आउटलेट भएको बताए।
उनका अनुसार नयाँ शोरूममा कजारिया, प्राइम, हिन्डवेयर, ज्यागुआर, पञ्चकन्या, मार्बल लगायत नौभन्दा बढी प्रतिष्ठित ब्रान्डका सामग्री एकै छानामुनि उपलब्ध गराइएको छ ।
उनले ग्राहकको माग र सुविधालाई ध्यानमा राख्दै नारायणटार क्षेत्रमा शाखा विस्तार गरिएको उल्लेख गर्दै गुणस्तर, सेवा र ग्राहक सन्तुष्टिलाई कम्पनीले प्राथमिकतामा राख्दै आएको बताए ।
‘हामीले २४ वर्षदेखि उच्च गुणस्तरका ब्रान्डेड सामग्री उचित मूल्यमा उपलब्ध गराउँदै आएका छौँ। उपभोक्ताको आवश्यकता र छनोटअनुसार विभिन्न मूल्य र गुणस्तरका टाइल्स तथा अन्य निर्माण सामग्री उपलब्ध गराउँछौँ,’ उनले भने।
Advertisement
समारोहमा पूर्वप्रधानन्यायाधीश राउतले अन्तर्राष्ट्रियस्तरको शोरूम सञ्चालनमा आएकोमा शुभकामना व्यक्त गर्दै गुणस्तरीय सामग्री उपभोक्तासम्म पु¥याउने स्वागत ग्रुपको प्रयास प्रशंसनीय रहेको बताए ।
शोरूममा नेपाली कला र संस्कृतिको झल्को समेटिएको देख्दा आफू प्रभावित भएको उनको भनाइ थियो।
‘हामीले आफ्नो मौलिकता र पहिचान कहिल्यै छोड्नु हुँदैन,’ उनले भने, ‘व्यवसायीहरूले कानुन, विधि र सुशासनको पालना गर्दै व्यवसाय सञ्चालन गर्नुपर्छ। व्यवसाय र व्यापार समृद्ध भए मुलुकको समृद्धिमा समेत महत्वपूर्ण योगदान पुग्छ।’
स्वागत ट्रेडिङ ग्रुपले नयाँ शोरूममार्फत टाइल्स, सेनेटरीवेयर, पाइपिङ सिस्टम, मार्बल तथा अन्य निर्माण सामग्रीको बिक्रीसँगै डिजाइन परामर्श र घरदैलो सेवासमेत उपलब्ध गराउने जनाएको छ।
कम्पनीका अनुसार ग्राहकलाई उच्च गुणस्तरका ब्रान्डेड सामग्री प्रतिस्पर्धी मूल्यमा उपलब्ध गराउने प्रतिबद्धता कायम रहनेछ ।
कम्पनीका अनुसार प्रिमियम टायलहरू जसमा कजरिया, इन्डोयर, प्राइम, जकर, पञ्चकन्या, टाइल्स, मार्वल लगायत मल्टि ब्राण्डका उत्पादनहरु छन् भने सेनेटरी वेयर तथा फिटिङ्स,मार्बल, बहुमूल्य ग्रेनाइटहरू र पाइप फिटिङ्स प्रतिस्पर्धी मूल्यमा उपलब्ध गराइन्छ ।
For More:-Swagat Trading Group Showroom
