साउन ४, काठमाण्डौं ।
शास्त्र क्रिएसन प्रा.लि.ले नेपालमा नै पहिलो पटक विकास गरेको भेइकल ट्राकिङ सफ्टवेयर ‘प्रमिस टु सेक्युर’ को सार्वजनिक गरेको छ । २ वर्षको रिसर्च र डेभलपमेन्ट पश्चात सफ्टवेयर बजारमा ल्याइएको हो । यो सफ्टवेयर सम्भवत, नेपालमा विकास भएको पहिलो फ्लिट म्यानेज्मेन्ट सफ्टवेयर हो ।
अब तपाईको गाडीको जानकारी तपाईकै हातमा भन्ने स्लोगन सहित सुरु गरिएको यो सफ्टवेयर विकास भएको छोटो समयमा नै पाचसयभन्दा बढि गाडीहरुमा प्रयोग भइसकेको छ । पछिल्लो समय नेपाल सरकारले नै सम्पुर्ण सार्वजनिक यातायात र भन्सारको गाडीहरुमा समेत जिपिएस ट्राकिङ सिस्टम प्रयोग गर्ने सार्वजनिक गरेको हुदा, यो सफ्टवेयरको आवश्यक्ता अझ बढेको छ । अहिले केहि विदेशी दुतावास, आइएनजिओ, बस सेवा तथा विभिन्न इकर्मश कम्पनीहरुमा समेत यसको प्रयोग भइरहेको छ । नेपालमा सबैभन्दा बढि गाडी बिक्री गर्ने सिप्रद्धी ट्रेडिङ समेत यो सफ्टवेयरको प्रयोगकर्ता हुने भएको छ । सिप्रद्धीको टेक्निकल पार्टनरको रुपमा यस कम्पनीले काम सुरु गरेको छ ।
यस सफ्टवेयर तथा सोलुसन्सले भेइकल ट्राकिङ, फ्युल म्यानेज्मन्ट लगायतको समाधान दिनेछ । यस सफ्टवेयरले गाडीहरुको रियल टाइम ट्राकिङ, रिमाइन्डर हिस्ट्री, अलर्ट तथा रिपोर्ट, दैनिक खर्च व्यवस्थापन, रुट म्यानेज्मेन्ट लगायतका सुविधाहरु दिनेछ । यसैगरी तेल तथा तापक्रम सेन्सर, डेलिभरी तथा अर्डर म्यानेज्मेन्ट समेत यस सफ्टवेयरबाट गर्न सकिन्छ । यसको लागि हार्डवेयर डिभाइससँग इन्टिग्रेट गर्नुपर्ने हुन्छ । प्रमिश टु सेक्युरमा विश्वको न. १ जिपिएस म्यानुफ्याक्चर कम्पनी कन्कस ब्राण्डका हार्डवेयर प्रयोग गरिएको छ । १५० बढि देशहरुमा सेवा दिइरहेको कन्कसको लागि नेपालको एकमात्र आधिकारिक वितरकको रुपमा शास्त्र क्रिएशन रहेको समेत जानकारी गराउदछौ ।
यो सिस्टम प्रयोग गर्नको लागि डिभाइसमा सिम प्रयोग गरिन्छ र सफ्टवेयरसँग इन्टिग्रेट गरिन्छ । तपाईले एप डाउनलोड गरेर मोवाइलबाट गाडी वा वस्तुको जानकारी लिन सक्नुहुनेछ भने वेबसाइटबाट पनि अपडेट लिन सकिन्छ । यो सिस्टम सेक्युर रहेको छ । नेपालकै डेटा सेन्टरमा सिस्टम होस्ट गरिएको छ, जसले गर्दा डेटा स्वदेशमै रहन्छ । सम्वन्धित व्यत्ति, सस्थाहरुले वाहेक डेटा एक्सेस गर्न पाउनेछैनन ।
यो सिस्टम अटोमोवाइल इन्डस्ट्री, फक्ट्री, डेलिभरी कम्पनीहरु, फाइनान्सियल इन्स्टिच्युसन, स्कुल तथा सार्वजनिक यातायातमा प्रयोग गर्न सकिन्छ । यसको प्रयोग अबको समयममा दिनानुदिन बढ्ने नै छ । सरकारको योजना अनुरुप अनिवार्य जिपिएस सिस्टम लागु भए केहि वर्ष भित्र नेपालमा गाडीहरु यस प्रकारको सिस्टममा अनुवन्धित हुनेछन, जसले गर्दा कुनै दुर्घटना, चोरीबाट बचाउन र सजिलै नियन्त्रणमा लिन सकिन्छ । यसैगरी ढाट्ने, छल्ने र गलत तरिकाले सवारीको प्रयोग गर्नलाई निरुत्साहित गर्नेछ । सरकारको डिजिटल नेपालको अभियानलाई सार्थक तुल्याउन पनि यस प्रकारको नयाँ प्रविधिले सहयोग गर्नेछ ।
