काठमाडौं ।
भदौ १ गतेदेखि लागू हुने गरी नेपाल टेलिकमले जीएसएम प्रिपेड मोबाइल ग्राहकलाई लक्षित गर्दै डाटा प्याकेज ल्याएको छ ।टेलिकमले ब्रोञ्ज प्याक, सिल्भर प्याक र गोल्ड प्याक गरी तीन प्रकारको प्याकेज ल्याएको छ । ब्रोञ्ज प्याक अन्तर्गत २ सय र ५ सय एमबी डाटा प्याकेज उपलब्ध हुने छ ।
दुई सय एमबी प्याकको १३० रुपैयाँ र ५ सय एमबी प्याकको ३ सय रुपैयाँ तोकिएको छ । यो प्याक एक महिनाभित्र सिध्याउनुपर्ने हुन्छ ।
डाटा शुल्क
| भोल्यूम | शुल्क (रूपैयाँमा) | अवधी | एसएमएस (१४१५)मा |
|---|---|---|---|
| २०० एमबी | १३० | १ महिना | DATA200MB |
| ५०० एमबी | ३०० | DATA500MB | |
| १ जीबी | ५०० | DATA1GB | |
| ३ जीबी | १,२९० | २ महिना | DATA3GB |
| ५जीबी | १,८०० | ३ महिना | DATA5GB |
| १० जीबी | २,८०० | ६ महिना | DATA10GB |
यसैगरी सिल्भर प्याक अन्तर्गत १ जीबी र ३ जीबी डाटा उपलब्ध गराइने छ । एक जीबीको ५ सय रुपैयाँ र ३ जीबीको १२ सय ९० रुपैयाँ तिर्नुपर्ने हुन्छ । १ जीबी प्याक एक महिना र ३ जीबी प्याक २ महिनाभित्र सिध्याउनुपर्छ ।
गोल्ड प्याक अन्तर्गत ५ जीबी र १० जीबी डाटा उपलब्ध हुने छ । ५ जीबी डाटाको १८ सय रुपैयाँ र १० जीबी डाटाको २८ सय रुपैयाँ तिर्नुपर्ने छ । ५ जीबीको प्याक तीन महिनासम्म र १० जीबीको प्याक ६ महिनासम्म चलाउन पाइने छ ।
