लुम्बिनी विकास बैंक लिमिटेडद्वारा प्रधानमन्त्री दैवी प्रकोप उद्धार कोषमा रु. २५,००,००० सहयोग
१३ भदौ, काठमाडौं।
लुम्बिनी विकास बैंक लिमिटेडले सामाजिक उत्तरदायित्वअन्तर्गत हालै देशका विभिन्न क्षेत्रमा आएको बाढी, पहिरो तथा प्राकृतिक विपद्का कारण प्रभावित नागरिकहरूको राहत तथा उद्धार कार्यमा सहयोग पुर्याउने उद्देश्यले प्रधानमन्त्री दैवी प्रकोप उद्धार कोषमा रु. २५,००,००० (अक्षरेपी रु. पच्चिस लाख रुपैयाँ) सहयोग गरेको जानकारी गराएको छ।
बैंकका अध्यक्ष श्री चिन्तामणी भट्टराई तथा प्रमुख कार्यकारी अधिकृत श्री सुमन आचार्य र नायब प्रमुख कार्यकारी श्री उमेश रेग्मीले संयुक्त रूपमा नेपाल सरकारका माननीय अर्थमन्त्री श्री स्वर्णिम वाग्लेज्यूलाई २०८३ साल भदौ १२ गते रु. २५ लाख बराबरको चेक हस्तान्तरण गर्नुभएको हो।
प्राकृतिक विपद्का कारण विभिन्न स्थानमा जनधनको ठूलो क्षति हुनुका साथै धेरै नागरिक प्रभावित भएको यस कठिन परिस्थितिप्रति बैंक दुःखी भएको छ। यस विपत्तिमा जीवन गुमाउनुभएका सम्पूर्ण महानुभावहरूप्रति बैंक हार्दिक श्रद्धाञ्जली अर्पण गर्दछ।
साथै, शोकसन्तप्त परिवारजनमा गहिरो समवेदना व्यक्त गर्दै घाइते तथा प्रभावित नागरिकहरूको शीघ्र स्वास्थ्यलाभको कामना गर्दछौं।
Advertisement
बैंकले आगामी दिनमा पनि विपद् प्रभावित नागरिकको सहयोग तथा समुदायको हितमा आवश्यक सहयोग र सामाजिक उत्तरदायित्वका कार्यहरूमा निरन्तरता दिने प्रतिबद्धता व्यक्त गरेको छ।
देशका ७ वटै प्रदेशमा शाखा सञ्चालन गरि कारोबार गर्दै आइरहेको लुम्बिनी विकास बैंक लिमिटेडको विभिन्न स्थानहरुमा गरी ८९ वटा शाखा कार्यालयहरू तथा एक विस्तारित शाखा (एक्सटेन्सन काउन्टर) स्थापना भएको छ।
यस लुम्बिनी विकास बैंक लिमिटेडले “निरन्तर सहयात्रा” भन्ने नाराका साथ उच्चस्तरीय, आधुनिक एवं नवीनतम प्रविधिहरू सहितको सुरक्षित बैंकिङ्ग सेवा प्रदान गर्दै आइरहेको छ।
For more: Lumbini Bikas Contributes NPR 2.5 Million
