ज्वेलरी व्यवसायलाई डिजिटल बनाउँदै ‘दीपअर्थ’ सफ्टवेयर: अब गण्डकी प्रदेशमा पनि सुरु
२७ असार, काठमाडौं।
नेपालको गहना बजारलाई आधुनिक र प्रविधिमैत्री बनाउने उद्देश्यका साथ स्वर्डफिस टेक्नोलोजीले ज्वेलरी म्यानेजमेन्ट सफ्टवेयर ‘दीपअर्थ’ (DipArtha) गण्डकी प्रदेशमा औपचारिक रूपमा भित्र्याएको छ।
परम्परागत रूपमा सञ्चालन भइरहेका ज्वेलरी व्यवसायहरूलाई डिजिटल प्रणालीमा रूपान्तरण गर्न यो सफ्टवेयर पोखरामा एक कार्यक्रमका बीच शुभारम्भ गरिएको हो।
यो आन्तरिक राजस्व कार्यालय (IRD) बाट मान्यता प्राप्त नेपालकै पहिलो पूर्ण ज्वेलरी म्यानेजमेन्ट सफ्टवेयर हो। काठमाडौँमा २ सयभन्दा बढी व्यावसायिक कम्पनीहरूले यसको सफल प्रयोग गरिसकेपछि अब यसलाई गण्डकी प्रदेशका व्यवसायीहरूका लागि उपलब्ध गराइएको छ।
साइबर सुरक्षा विज्ञ तथा वान कभर प्राइभेट लिमिटेड (One Cover Pvt. Ltd.) का संस्थापक सीईओ चिरञ्जीवी अधिकारीले नेपाली बजार र संस्कृति सुहाउँदो स्थानीयकरण (Localization) र पूर्ण सूचना प्रविधि एकीकृत (ICT Integrated) प्रणालीमा आधारित ‘मेड इन नेपाल’ सफ्टवेयरहरूको विकास र प्रयोगमा जोड दिए।
उनले भने, “नेपालमा आफ्नै मौलिक आवश्यकता पूरा गर्ने प्रविधि र सफ्टवेयरहरू बन्नु सकारात्मक पक्ष हो। दीपअर्थ जस्ता स्थानीयकृत र एकीकृत प्रविधिले नेपाली व्यवसायलाई सुरक्षित र चुस्त बनाउन महत्त्वपूर्ण भूमिका खेल्नेछन्।”
दीपअर्थ सफ्टवेयरका मुख्य विशेषताहरू (Features)
अटोनोमस टेक्नोलोजीद्वारा विकसित र स्वर्डफिस टेक्नोलोजीद्वारा प्रवर्द्धित यो क्लाउड-बेस्ड (Cloud-based) सफ्टवेयरमा ज्वेलरी व्यवसायका लागि आवश्यक पर्ने सम्पूर्ण डिजिटल सुविधाहरू छन्:
स्थानीयकरण र तौल मापन (Localize & Smart Weight Units): नेपाली बजारको अभ्यास अनुरूप यसमा तौल मापन गर्दा ग्राम (Gram) र तोला (Tola) दुवै एकाइमा राख्न मिल्ने विशेष व्यवस्था छ।
Advertisement
इन्भेन्ट्री र बारकोड बिलिङ: व्यवसायीले बारकोड प्रयोग गरी सामानको स्टक (Stock) चुस्त राख्न सक्छन्। साथै, छिटो भुक्तानीका लागि बारकोड बिलिङको सुविधा उपलब्ध छ।
पूर्ण अकाуन्टिङ र रिपोर्टिङ: व्यवसायको लेखा सम्बन्धी सबै रिपोर्टहरू सहजै तयार पार्न सकिन्छ।
कालिगड र अर्डर व्यवस्थापन: ग्राहकको अर्डर, खरिद-बिक्रीको विवरण, र कालिगड (Karigar) का गतिविधिहरू ट्र्याक गर्न सकिन्छ।
सुरक्षित र मोबिलिटी: यो पूर्ण रूपमा क्लाउड-बेस्ड भएकाले मोबाइल एप्समार्फत संसारको जुनसुकै कुनाबाट रियल-टाइममा व्यवसायको निगरानी गर्न सकिन्छ। यसले डाटाको गोपनीयता र सुरक्षाको पूर्ण ग्यारेन्टी दिन्छ।
मूल्य र प्याकेजहरू
गण्डकी प्रदेशका प्रतिनिधि अपिल विश्वकर्माका अनुसार व्यवसायीहरूको आवश्यकता र व्यवसायको आकार हेरी हरेक वर्ष ३० हजार रुपैयाँदेखि ९० हजार रुपैयाँसम्मका विभिन्न प्याकेजहरू उपलब्ध छन्। यो वार्षिक प्याकेजबाहेक हरेक वर्ष नवीकरण शुल्क (Renewal Fee) भने अतिरिक्त लाग्नेछ।
“परिवर्तित समयानुसार यो सफ्टवेयर निकै अनुकुल छ। समयको बचत र प्रविधिमैत्री बन्नका लागि हरेक सुनचाँदी व्यवसायीले यसको प्रयोग गर्न आवश्यक छ।” नेपाल सुनचाँदी व्यवसायी महासंघका प्रतिनिधिहरू
For more: First Jewelry Management Software
