सेलिब्रिटीको रोजाइ बन्दै चांगान नेभो क्यू ०५: सार्वजनिक भएको एक महिनामै ताराहरूको रोजाइमा नयाँ विद्युतीय एसयूभी
१० कात्तिक, काठमाडौं।
नेपाली अटोमोबाइल बजारमा भर्खरै सार्वजनिक भएको चांगान नेभो क्यू ०५ (Changan Nevo Q05) विद्युतीय एसयूभीले छोटो समयमै ठूलो चर्चा कमाउन सफल भएको छ। सार्वजनिक भएको पहिलो महिनाभित्रै नेपाली मनोरञ्जन क्षेत्रका चर्चित सेलिब्रिटीहरूले यसलाई आफ्नो रोजाइ बनाएका छन्।
गायक तथा गीतकार स्वप्न सुमनका साथै लोकप्रिय अभिनेत्रीहरू ज्योत्सना योगी, मिरुना मगर, आना शर्मा र जसिता गुरुङले चांगान नेभो क्यू ०५ खरिद गरेका छन्। चर्चित कलाकारहरूको यो रोजाइले नेपाली बजारमा विद्युतीय सवारीसाधनप्रतिको बढ्दो आकर्षण र चांगान ब्रान्डको बलियो उपस्थिति उजागर गरेको छ।
कलाकारहरूको रोजाइ र ‘ए क्लास अबभ’ पहिचान
कम्पनीका अनुसार आफ्नो विशिष्ट प्रतिभा र पहिचानमार्फत लाखौँ दर्शकको मन जित्न सफल यी कलाकारहरूको छनोटले गाडीको बजार पहिचानलाई अझ मजबुत बनाएको छ।
स्वप्न सुमन र ज्योत्सना योगी: भावपूर्ण गायनका लागि परिचित स्वप्न सुमन र चर्चित मोडल तथा अभिनेत्री ज्योत्सना योगीले आफ्नो दैनिक यात्राका लागि चांगान नेभो क्यू ०५ लाई चुनेका छन्।
मिरुना मगर: ब्लकबस्टर चलचित्र ‘कबड्डी ४’ बाट चर्चाको शिखरमा पुगेकी अभिनेत्री मिरुना मगर पनि यो मोडलका ग्राहक बनेकी छन्।
आना शर्मा र जसिता गुरुङ: ‘जेरी’ चलचित्रबाट डेब्यु गरेकी आना शर्मा र ‘लिलिबिली’ बाट अभिनय यात्रा सुरु गरेकी जसिता गुरुङले पनि यही विद्युतीय एसयूभी रोजेका छन्।
कम्पनीका प्रतिनिधिहरू भन्छन्— “उनीहरूको रोजाइले चांगान नेभो क्यू ०५ को ‘ए क्लास अबभ’ (A Class Above) अर्थात् आफ्नो श्रेणीभन्दा एक कदम माथि भन्ने नारालाई पूर्ण रूपमा चरितार्थ गरेको छ। नयाँ पुस्ताको आधुनिक जीवनशैलीसँग यो गाडीको आकर्षण र सुविधा ठ्याक्कै मेल खान्छ।”
आकर्षक डिजाइन र फराकिलो क्याबिन
चांगान नेभो क्यू ०५ को बाहिरी बनावट छरितो र आधुनिक छ। यसको डिजाइन चांगानका ग्लोबल डिजाइन उपाध्यक्ष तथा फक्सवागन समूहका पूर्व डिजाइन प्रमुख क्लाउस जिकोरा (Klaus Zyciora) को नेतृत्वमा विकास गरिएको हो।
Advertisement
२,७३५ मिलिमिटर ह्विलबेस: यस श्रेणीका अन्य गाडीको तुलनामा लामो ह्विलबेसका कारण यसको भित्री भाग निकै फराकिलो छ।
८६.६ प्रतिशत स्पेस उपयोग: भित्री स्थानको अधिकतम उपयोग गरिएकाले यात्रुहरूका लागि यात्रा निकै आरामदायी हुन्छ।
डिजिटल विङ २.०: आकर्षक ‘डिजिटल विङ २.०’ लाइटिङ प्रणाली र ढोकामा आंशिक रूपमा लुकाइएका प्रिमियम ह्यान्डलले यसलाई सडकमा विशिष्ट रूप प्रदान गर्छन्।
ब्याट्री प्रविधि र उत्कृष्ट पर्फर्मेन्स
चांगान नेभो क्यू ०५ प्रविधि र क्षमताका हिसाबले पनि निकै अगाडि छ।
१२० किलोवाट मोटर: गाडीमा १२० किलोवाट क्षमताको शक्तिशाली विद्युतीय मोटर जडान गरिएको छ, जसले द्रुत गति र सहज यात्रा प्रदान गर्छ।
गोल्डेन शिल्ड ब्याट्री २.०: विश्वप्रसिद्ध CATL ब्याट्री सेल र चांगानको आफ्नै ‘गोल्डेन शिल्ड ब्याट्री २.०’ प्रविधि यसमा प्रयोग गरिएको छ।
द्रुत चार्जिङ (Fast Charging): उपयुक्त चार्जिङ अवस्थामा ब्याट्रीलाई मात्र १५ मिनेटमा ३० प्रतिशतबाट ८० प्रतिशतसम्म चार्ज गर्न सकिन्छ।
इन्फोटेनमेन्ट र प्रविधि: गाडीभित्र १४.६ इन्चको ठूलो टचस्क्रिन, डिजिटल क्लस्टर र वायरलेस स्मार्टफोन कनेक्टिभिटीजस्ता प्रिमियम सुविधा उपलब्ध छन्।
For more: Changan Nevo Q05 Celebrity Favorite
