कृषि विकास बैंकको ५९ औं वार्षिकोत्सव: आन्तरिक ब्याडमिन्टन प्रतियोगिता भव्य रूपमा सम्पन्न
८ वैशाख, काठमाण्डौ।
कृषि विकास बैंक लिमिटेडले आफ्नो ५९ औं गौरवमय वार्षिकोत्सवको उपलक्ष्यमा आयोजना गरेको आन्तरिक राष्ट्रिय ब्याडमिन्टन प्रतियोगिता भव्यताका साथ सम्पन्न भएको छ।
कृषि विकास बैंक कर्मचारी संगठन नेपाल, केन्द्रिय समितिद्वारा आयोजित यस प्रतियोगिताले कर्मचारीहरूमाझ खेलकुदको माध्यमबाट आपसी सद्भाव, सहकार्य र ऊर्जाको सञ्चार गरेको छ।
यही वैशाख ६ र ७ गते भक्तपुरस्थित सूर्यविनायक ब्याडमिन्टन समाजको कभर्ड हलमा आयोजित प्रतियोगितामा बैंकका देशभरका शाखाहरूबाट खेलाडी कर्मचारीहरूको उत्साहजनक सहभागिता रहेको थियो।
दुई दिनसम्म चलेको रोमाञ्चक र प्रतिस्पर्धात्मक खेलहरूमा खेलाडीहरूले उत्कृष्ट खेल कौशल प्रदर्शन गरेका थिए। प्रतियोगितामा पुरुष सिंगल्सतर्फ टक्कर कुँवर र महिला सिंगल्सतर्फ प्रतिक्षा नेपालले उपाधि चुम्न सफल भए।
प्रतियोगिताका विस्तृत नतिजाहरू यस प्रकार छन्: महिला सिंगल्स प्रथम (स्वर्ण): प्रतिक्षा नेपाल द्वितीय (रजत): दीपिका राई तृतीय (कांस्य): उषा मल्ल र प्रिया गुप्ता पुरुष सिंगल्स प्रथम (स्वर्ण): टक्कर कुँवर द्वितीय (रजत): राज कुमार निरौला तृतीय (कांस्य): विनय कुमार पाण्डेय र विजय जोजिजु पुरुष डबल्स प्रथम (स्वर्ण): राज कुमार निरौला र विनय कुमार पाण्डेय द्वितीय (रजत): टक्कर कुँवर र मनोज काफ्ले तृतीय (कांस्य): विजय जोजिजु र रमन राई, तथा बसन्त थापा र संजय राज श्रेष्ठ ४५+ (भेट्रान्स डबल्स) प्रथम (स्वर्ण): सञ्जय श्रेष्ठ र रमेश के. अर्याल द्वितीय (रजत): घनश्याम श्रेष्ठ र दीर्घ जंग लिम्बु तृतीय (कांस्य): बासुदेव गिरी र बलबहादुर साउद, तथा तुल्सी सुवेदी र रोशन लिम्बु रोमाञ्चक फाइनल खेलपश्चात् आयोजित भव्य समापन तथा पुरस्कार वितरण समारोहमा बैंकका प्रमुख कार्यकारी अधिकृत श्री गोविन्द गुरुङज्यूको प्रमुख आतिथ्यता रहेको थियो।
Advertisement
उहाँले सम्पूर्ण विजेता टोलीहरूलाई ट्रफी हस्तान्तरण गर्दै खेलाडीहरूको हौसला बढाउनुभयो। आफ्नो मन्तव्यका क्रममा उहाँले भन्नुभयो, “यस्ता गतिविधिहरूले कर्मचारीहरूको स्वास्थ्य, आपसी सम्बन्ध र टिम भावनालाई बलियो बनाउँछ, जसले अन्ततः संस्थाको उत्पादकत्वमा समेत सकारात्मक प्रभाव पार्छ।
संगठनले गरेको यो सफल आयोजना प्रशंसनीय छ।” त्यसैगरी, आयोजक संस्था कृषि विकास बैंक कर्मचारी संगठन नेपाल, केन्द्रिय समितिका अध्यक्ष इन्द्रमणी घिमिरेज्यूले सम्पूर्ण विजेताहरूलाई प्रमाणपत्र र नगद पुरस्कार वितरण गर्नुभयो।
सामूहिक ऐक्यबद्धताको उत्कृष्ट उदाहरण प्रस्तुत गर्दै, बैंकका विभिन्न युनियनका पदाधिकारीहरूले समेत प्रथम, द्वितीय र तृतीय स्थान हासिल गर्ने सबै विजेता खेलाडीहरूलाई मेडल लगाएर सम्मान गर्नुभएको थियो।
सोही समारोहमा बैंकमा कार्यरत तेक्वान्दो खेलका अन्तर्राष्ट्रिय रेफ्री राकेश यादवलाई बैंकको प्रतिनिधित्व गर्दै राष्ट्रलाई विशेष योगदान गरे बापत बैंकका प्रमुख कार्यकारी अधिकृत गोविन्द गुरुङ र संगठनका अध्यक्ष इन्द्रमणी घिमिरेले संयुक्तरुपमा विशेष सम्मान गर्नु भएको थियो।
समग्रमा, यो प्रतियोगिता बैंकको वार्षिकोत्सवको एक अविस्मरणीय हिस्सा बन्न सफल भएको छ, जसले खेलकुद मार्फत कर्मचारीहरूको मनोबल उच्च पार्न महत्त्वपूर्ण भूमिका खेलेको छ।
For more: ADBL Badminton Tournament 2026
