१८औँ नाडा अटो शो २०२६: भृकुटीमण्डपमा स्टल निर्माण तीव्र, अन्तिम चरणमा तयारी

७ भदौ, काठमाडौं।

नेपालको सबैभन्दा ठूलो अटोमोबाइल तथा मोबिलिटी प्रदर्शनी ‘एचपी ल्युब्रिकेन्ट्स प्रिजेन्ट्स १८औँ नाडा अटो शो २०२६’ को तयारी भृकुटीमण्डपमा तीव्र गतिमा भइरहेको छ। आगामी भदौ ९ देखि १४ गतेसम्म (अगस्ट २५–३०, २०२६) आयोजना हुने यस प्रदर्शनीका लागि प्राविधिक तथा कामदारहरू स्टल निर्माणको अन्तिम काममा व्यस्त छन्।

नाडा अटोमोबाइल्स एसोसिएसन अफ नेपालको ५०औँ स्थापना वर्ष (स्वर्ण जयन्ती) को अवसरमा आयोजित यो संस्करण अघिल्ला वर्षहरूभन्दा थप प्रविधिमैत्री र व्यवस्थित बनाइँदैछ। करिब ३ लाख वर्गफिट क्षेत्रफलमा फैलिएको प्रदर्शनीस्थलमा २०० भन्दा बढी स्टलहरू रहनेछन्।

नाडा अटो शो २०२६ का मुख्य आकर्षणहरू

५३ सवारी ब्रान्डहरू: यात्रुवाहक सवारीका २३, हल्का व्यावसायिक सवारीका १७ र दुईपांग्रे सवारीका १३ ब्रान्डहरूको सहभागिता।

अटो कम्पोनेन्ट्स तथा एसेसरिज: अटो पाट्र्स, टायर, ब्याट्री, ल्युब्रिकेन्ट्स र ग्यारेज उपकरणका लागि करिब ७० वटा छुट्टै स्टलहरू।

Advertisement

वित्तीय तथा बीमा सेवा: सवारी साधन खरिदका लागि बैंक, वित्तीय संस्था र बीमा कम्पनीहरूको प्रत्यक्ष सहभागिता।

‘मेड इन नेपाल र मेड फर नेपाल’ पभेलियन: नेपालमै उत्पादन तथा एसेम्बल भएका सवारीसाधन, ईभी, ब्याट्री र हेल्मेटहरूको प्रवर्द्धन गर्ने विशेष क्षेत्र।

प्रदर्शनीस्थलमा अहिले विद्युत्, प्रकाश व्यवस्थापन, डिजिटल डिस्प्ले, ब्रान्डिङ र पूर्वाधार निर्माणको काम धमाधम भइरहेको छ।

फोटो फिचर: भृकुटीमण्डपमा तयारीको चटारो

भृकुटीमण्डपमा तयारीको चटारो

For more: 18th NADA AutoShow Preparations