क्यान महासंघले २३औं संस्करणको रुपमा आयोजना गरेको “सुविसु क्यान ईन्फोटेक २०१७ ईन एशोसिएशन विथ सामसुङ”मा हिजो दोश्रो दिन अवलोकनकर्ताहरुको उत्साहजनक सहभागिता रह्यो । इन्फोटेकको पहिलो दिन बिहिबार ३४ हजार एक सय ५४ जनाले अवलोकन गरेकोमा दोश्रो दिन आज ३६ हजार १ सय १८ जनाले अवलोकन गरेका छन् । आजसम्म ७० हजार २ सय ७२ जनाले मेलाको अवलोकन गरिसकेका छन् । सुविसु क्यान ईन्फोटेक २०१७ ईन एशोसिएशन विथ सामसुङ”मा अवलोकनकर्ताहरुको उल्लेख्य सहभागिताले हामीलाई थप उत्साह र हौसला मिलेको छ ।
जारी इन्फोटेकमा सहभागि कम्पनीहरुले आज नयाँ नयाँ प्रविधिजडित उत्पादन तथा सेवाहरु आकर्षक स्किमका साथ सार्वजनिक गरेका छन । आज विशेष गरी इन्टरनेट सेवा प्रदायक स्टलहरु, नेपाल टेलिकम, स्मार्टफोन र ट्याब्लेटका स्टलहरु, ल्यापटप÷कम्प्युटरका स्टलहरु, इन्भर्टर तथा ब्याट्रीका स्टलहरु, सफ्टवेयर तथा एन्टिभाइरसका स्टलहरु, फोटोकपी, प्रिन्टर, प्रोजेक्टर, स्क्यानर, एटेन्डेन्स मेशिन, राउटर, सिसिटिभी लगायतका स्टलहरु आकर्षणको केन्द्र बन्यो ।
“सुविसु क्यान ईन्फोटेक २०१७ ईन एशोसिएशन विथ सामसुङ”मा शीर्ष प्रायोजक कम्पनी सुबिसु केबल नेटले क्लियर टिभी र इन्टरनेटको सुपुर कम्बो अफर मात्र रु ७९९९ (कर सहित) मा प्रदान गरेको छ जसमा ३ महिनाको लागि २ एम बि पिए स इन्टरनेट तथा क्लियर टिभी प्रिमियम प्याकेज (४० एचडी च्यानल सहित १५५ च्यानल भन्दा बढी) का साथै ग्राहकहरुले वाइफाई राउटर, क्लियर टिभी सेटटअप बक्स, जडान खर्च निस्शुल्क रुपमा प्राप्त गर्न सक्नुहुनेछ ।
त्यस्तै सामसुङले नयाँ स्मार्टफोनका रुपमा ग्यालेक्सी सी ९ प्रो, ग्यालेक्सी ए सिरिज र ग्यालेक्सी अन ७ प्रोलाई प्रदर्शनीमा राखेको छ । त्यसैगरी मर्कन्टाइल, नेपाल टेलिकम, हुवावे, ओप्पो, नेटिस, एसपावर, एमआई, लेनोभो, खल्ती लगायतका प्रडक्ट र सेवाका नयाँ र पछिल्ला संस्करण प्रदर्शनीमा राखिएको छ । माइक्रोम्याक्सले क्यान इन्फोटेकको अवसरमा २६ हजार रुपियाँमै ४ जिबी र्याम भएको यू यूनिकर्न स्मार्टफोन ल्याएको छ भने संसारको सबैभन्दा सानो स्टिक कम्प्यूटर ट्वोकी स्टिक पनि क्यान इन्फोटेक २०१७ मा प्रदर्शनीमा राखिएको छ । ओप्पो स्र्माटफोनले क्यान इन्फोटेक २०१७ मा आकर्षक अफरहरुका साथै सेल्फी कन्टेस्ट समेत आयोजना गरेको छ । उसले प्रत्येक स्मार्टफोन खरिदमा ७% छुट दिएको छ । चिनियाँ मोबाइल ब्राण्ड ब्ल्याकभ्यूले क्यान इन्फोटेक २०१७ मा आफ्नो ह्याम्मर प्रुफ मोडल विभि ६००० प्रदर्शनीमा राखको छ । सोनीले पावरबैंकबाट चल्ने टेलिभिजन नेपालमा सार्वजनिक गरेको छ । त्यस्तै एन्जल बाइनेरीले क्यान इन्फोटेक २०१७ लाई लक्षित गर्दै एन्जल बाइनेरी टोटल सेक्यूरिटीको खरिदमा जोएस्टीक र वायरलेस माउस मध्य कुनै एक प्रदान गरिरहेको छ । त्यसैगरी ईजोन इन्टरनेसनलको क्लाउड बेस्ड सफ्टवेयरहरु क्यान इन्फोटेकमा प्रदर्शनीमा राखेको छ ।
जारी इन्फोटेकमा विशेषगरी मोबाइल र इन्टरनेट सेवाप्रदायकका स्टलमा आकर्षण बढेको छ । इन्फोटेकमा ओप्पो, एमआई, मेजु, हुवावे, लेनोभो, इन्फोकस, वानप्लस, माइक्रोम्याक्स, सोनी, बण्डीलगायतका स्मार्टफोनका नयाँ एवं पछिल्ला मोडल प्रदर्शनी गरिएको छ । त्यस्तै विभिन्न इन्टरनेट सेवाप्रदायकहरुले उच्च गतिको ब्रोडब्यान्ड इन्टरनेट सस्तो मुल्यमै अफर गरेका छन् । ईन्फोटेकको अर्काे आकर्षणको केन्द्र राउटर र ल्यापटपका स्टलहरुमा बनेको छ । डिजिकमले विभिन्न मोडलका राउटरहरुमा एक हजारसम्म छुट प्रदान गरेको छ भने नेटिस ब्राण्डका उच्चस्तरका राउटरहरुमा पनि विशेष छुट र बुलगार्ड सेक्युरिटी प्रडक्ट दिइएको छ । प्रदर्शनीमा लेनेभो, डेल र एसरका नयाँ भर्सनका ल्यापटपहरु विशेष अफरसहित सार्वजनिक भएका छन् । त्यसैगरी ईन्फोटेकमा सहभागि एसोसरिजका स्टलहरु पनि भरिभराउ देखियो । पावर बैंक, मेमोरी कार्ड, पेनड्राइभ, हेडफोन, म्युजिक साउन्ड सिष्टमका स्टलहरु अवलोकनकर्ताहरुको नजरमा प¥यो ।
४ लाखभन्दा बढीले अवलोकन गर्ने लक्ष्य राखिएको प्रदर्शनीमा विशेष गरी ईन्टरनेट सेवा प्रदायक कम्पनीहरुबाट विशेष छुट सहितको प्याकेज तथा उच्च गतिको इन्टरनेट सेवा, मोबाईल तथा टेलिफोन कम्पनीहरुको आकर्षक अफर रहेको छ । त्यस्तै बजारमा उपलब्ध कम्प्युटर हार्डवेयर सामाग्रीहरुमा पनि विशेष सहुलियत र स्किमका साथ उपलब्ध छन् । मेलामा नयाँ प्रविधिमा आधारित मोबाईल फोन, ट्याबलेट, सफ्टवेयरहरुमा नयाँ संस्करणसहितको अपडेट मोडल उपलब्ध हुनका साथै नयाँ कम्पनी तथा उत्पादनहरु समेत भित्र्याएका छन ।स्मार्टफोन÷ट्याब्लेट अन्तर्गत माइक्रोम्याक्स, डिटिसी, प्रेष्टिजिओ, किभी लगायतका स्टलहरु आकर्षणको केन्द्र बन्यो । हुवावेले ल्याएको जि ७ प्लस स्मार्टफोन पनि धेरैको रोजाईमा प¥यो । त्यस्तै एइइले ल्याएको वाइफाइ सुविधा भएको बिशेष क्यामेरा, ड्रोन्स र रेकर्डरहरु पनि मेलाको आकर्षण बन्यो ।
