नेपालमै बन्यो विश्वस्तरीय ‘यात्री पी-२’ विद्युतीय स्कुटर: अर्थमन्त्री वाग्लेले जगाए राष्ट्रिय आत्मविश्वास
९ भदौ, काठमाडौं।
अर्थमन्त्री डा. स्वर्णिम वाग्लेद्वारा नेपालमै डिजाइन र उत्पादित ‘यात्री पी-२’ विद्युतीय स्कुटर सार्वजनिक। नेपालमै विश्वस्तरीय सवारीसाधन बन्न सक्छ भन्ने प्रमाणसहित राष्ट्रिय आत्मविश्वास जगाएको यस अत्याधुनिक नेपाली EV को विशेषता र सरकारी सहयोगका योजना बारे विस्तृतमा जान्नुहोस्।
अर्थमन्त्री डा. स्वर्णिम वाग्लेले नेपालमै डिजाइन र निर्माण भएको विद्युतीय स्कुटर ‘यात्री पी-२’ सार्वजनिक गर्नुभएको छ। सिप्रदी यात्री कम्पनीले नेपालमै निर्माण गरेको उक्त स्कुटरको सोमबार सार्वजनिक गर्दै उहाँले नेपालमै बनेको यात्री विद्युतीय स्कुटरले राष्ट्रिय आत्मविश्वास जगाएको बताउनुभयो।
Advertisement
“बुढानीलकण्ठमा डिजाइन गरिएको र धादिङमा उत्पादन हुने विश्वस्तरीय स्कुटर नेपालमै बन्यो। नेपालमा केही हुँदैन भन्नेहरूका लागि यो ‘नेपालमा बबालै हुन्छ’ भन्ने सन्देश हो,” अर्थमन्त्री डा. वाग्लेले भन्नुभयो, “नेपालमै बनेको यात्री विद्युतीय स्कुटरले राष्ट्रिय आत्मविश्वास पनि जगायो।”
अर्थमन्त्रीले उक्त स्कुटर इटालीका प्रख्यात ब्रान्डहरूभन्दा पनि अब्बल बनोस् र विश्व बजारमा फैलिन सकोस् भन्दै शुभकामना पनि दिनुभयो। सो क्रममा उहाँले नेपालमै बनेको यति राम्रो विद्युतीय स्कुटरको विस्तारका लागि सरकारले भरपूर सहयोग र संरक्षण गर्ने प्रतिबद्धता पनि व्यक्त गर्नुभयो।
For more: Yatri P-2 Electric Scooter Made in Nepal
