वुलिङ नेपालद्वारा मोटर र ब्याट्रीमा ८ वर्षको वारेन्टी घोषणा: विद्युतीय सवारीको स्वामित्वमा थप भरोसा
१५ असोज, काठमाडौं।
नेपालमा विद्युतीय सवारी साधन (EV) प्रतिको आकर्षण दिनप्रतिदिन बढिरहेको छ। विश्वविख्यात अटोमोबाइल ब्रान्ड वुलिङ (Wuling) ले नेपाली बजारमा आफ्ना उत्कृष्ट विद्युतीय गाडीहरूको बिक्री वितरणलाई अझ प्रभावकारी बनाउँदै ग्राहकहरूको विश्वास जित्न महत्वपूर्ण कदम चालेको छ। विश्वप्रसिद्ध SAIC-GM-Wuling (SGMW) ज्वाइन्ट भेन्चर अन्तर्गत उत्पादित वुलिङका सवारीसाधन नेपालमा प्यारामाउन्ट मोटर्स प्रा.लि. ले आधिकारिक रूपमा आयात तथा वितरण गर्दै आएको छ।
वुलिङका प्रमुख विद्युतीय मोडलहरू र विशेषताहरू
नेपाली बजारमा वुलिङले विभिन्न ग्राहकवर्गको आवश्यकतालाई ध्यान में राख्दै तीनवटा उत्कृष्ट मोडलहरू उपलब्ध गराएको छ:
वुलिङ एक्सियन (Wuling Eksion):
प्रकार: ५+२ सिट क्षमताको विद्युतीय एसयूभी
प्रर्दशन: ६९.२ kWh ब्याट्री, ५३० किमी सम्मको रेन्ज, १५० kW मोटर र ३१० Nm टर्क।
वुलिङ मिनी ईभी (Wuling Mini EV):
प्रकार: ४ ढोका र ४ सिट भएको कम्प्याक्ट सहरी विद्युतीय कार
Advertisement
प्रर्दशन: २५.१ kWh ब्याट्री, ३०१ किमी सम्मको रेन्ज र ३० kW मोटर (‘Fun Every Day, For Everyone’ अवधारणामा आधारित)।
वुलिङ डेरियन (Wuling Darion):
प्रकार: ७ सिटर पारिवारिक एमपीभी (MPV)
प्रर्दशन: ६९.२ kWh ब्याट्री, ५४० किमी सम्मको रेन्ज, १५० kW मोटर र ३१० Nm टर्क।
ट्रयाक्शन मोटर र एचभी ब्याट्रीमा ८ वर्षको ढुक्क वारेन्टी
विद्युतीय सवारीसाधन खरिद गर्दा ग्राहकहरूको मुख्य चासो ब्याट्री र मोटरको दीर्घकालीन आयु र विश्वसनीयतामा हुने गर्दछ। यसैलाई मध्यनजर गर्दै वुलिङले आफ्ना गाडीहरूमा आकर्षक वारेन्टी योजना ल्याएको छ। कम्पनीले ट्रयाक्शन मोटर तथा उच्च भोल्टेज (HV) ब्याट्रीमा ८ वर्ष वा १ लाख ५० हजार किलोमिटर (जुन पहिले हुन्छ) सम्मको वारेन्टी प्रदान गरेको छ। यसले नेपाली बजारमा ईभी प्रयोगकर्ताहरूको दीर्घकालीन स्वामित्व अनुभवलाई थप सुरक्षित र विश्वासिलो बनाउनेछ।
सहरी आवागमनदेखि लामो पारिवारिक यात्रासम्मका आवश्यकतालाई समेट्दै वुलिङले प्रविधि, व्यावहारिक डिजाइन, सुरक्षा र दीर्घकालीन भरोसालाई प्राथमिकतामा राखेको छ। उत्कृष्ट कार्यसम्पादन र भरपर्दो वारेन्टी सुविधासहित वुलिङले नेपाली विद्युतीय सवारी बजारमा आफ्नो बलियो उपस्थिति निर्माण गरिरहेको छ।
For more: Wuling Nepal Boosts EV Confidence
