रसुवाका बाढीपीडितलाई प्रभु बैंकको राहत: १०० थान टेन्ट र स्लिपिङ ब्याग हस्तान्तरण
२६ भदौ, काठमाडौं।
रसुवाको भोटेकोशी र त्रिशुली नदीको विनाशकारी बाढीबाट प्रभावित परिवारका लागि प्रभु बैंक लिमिटेडले १०० थान टेन्ट तथा १०० थान स्लिपिङ ब्याग राहत सामग्री जिल्ला प्रशासन कार्यालय, नुवाकोटलाई हस्तान्तरण गरेको छ।
प्रमुख बजार व्यवस्थापक दिपेन्द्र बाबु विष्टद्वारा हस्तान्तरित यस सहयोगअघि बैंकले प्रधानमन्त्री दैवी प्रकोप उद्धार कोषमा रु. २,११,११,१११/- सहयोग रकम समेत बुझाइसकेको छ।
रसुवाको भोटेकोशी र त्रिशुली नदीमा आएको विनाशकारी बाढीका कारण घरवारविहिन भएका तथा उक्त बाढीबाट प्रभावित भएका परिवारजनहरुलाई थप सहयोग पुर्याउने उद्देश्यले आज मिति २०८३ भाद्र २५ गतेका दिन प्रभु बैंक लिमिटेडद्धारा थप सहयोगस्वरुप १०० थान टेन्ट तथा १०० थान स्लिपिङ्ग व्याग राहत सामग्री सम्बन्धित पिडितहरुलाई उपलब्ध गराउने गरी जिल्ला प्रशासन कार्यालय, नुवाकोटलाई उपलब्ध गराएको छ ।
Advertisement
उक्त हस्तान्तरण कार्यक्रममा बैैकले उपलब्ध गराएको राहत सामग्री प्रभु बैैक लिमिटेडका तर्फबाट प्रमुख बजार व्यवस्थापक श्री दिपेन्द्र बाबु विष्टज्यूले जिल्ला प्रशासन कार्यालय, नुवाकोटलाई हस्तान्तरण गर्नु भयो ।
यसअघि पनि बैंकको तर्फबाट नेपाल सरकार, प्रधानमन्त्री दैवी प्रकोप उद्धार कोषमा रु. २,११,११,१११/— (अक्षरेपी दुई करोड एघार लाख एघार हजार एक सय एघार रुपैयाँ मात्र) को चेक हस्तान्तरण गरिएको थियो ।
अकल्पनीय विपद्का कारण ज्यान गुमाउनुहुने स्वदेशी तथा विदेशी नागरिकहरुप्रति प्रभु बैंक लि. परिवार हार्दिक श्रद्धाञ्जली व्यक्त गर्दछ । साथै सम्पर्क विहिन व्यक्तिहरुको उद्धार तथा घाइतेहरुको शीघ्र स्वास्थ लाभको कामना गर्दै प्रभावित समुदायप्रति गहिरो समवेदना व्यक्त गर्दछौै ।
For more: Prabhu Bank Flood Relief Rasuwa
