नयाँ वर्षमा टेलिकमको नयाँ अफर, ३९९ रुपैयाँमा ३० जीबी डाटा पाइने
२९ चैत २०७९, काठमाडौं।
नेपाल टेलिकमले नयाँ वर्ष २०८० को अवसरमा ग्राहकहरुका लागि नयाँ वर्ष २०८० अफर उपलब्ध गराउने भएको छ । सो अवसरमा कम्पनीले भ्वाइस, डाटा र बोनस अन रिचार्ज प्याकेज उपलब्ध गराउने छ ।
कम्पनीले रु. ४९ मा १ दिन चलाउन सकिने १ एमबीपीएस अनलिमिटेड डाटा र नेपाल टेलिकमकै नेटवर्क भित्र कल गर्न सकिने १०० मिनेट अन नेट भ्वाइस सेवा उपलब्ध गराउने छ ।
यसैगरी डाटा प्याकेज अन्तर्गत रु. ९८ मा ३ दिन चलाउन सकिने ६ जीबी डाटा, रु. १९९ मा ७ दिन चलाउन सकिने १३ जीबी डाटा, रु. २९४ मा १० दिन चलाउन सकिने २० जीबी डाटा र रु. ३९९ मा १५ दिन चलाउन सकिने ३० जीबी डाटा प्याकेज उपलब्ध गराउने छ ।
| S.N | Package name | Resource | Validity (days) | Tariff NRs. (Incl. of Tax) |
| 1 | 1Mbps data unlimited +100 Min NT-NT Voice | 1Mbps data unlimited +100 Min NT-NT Voice | 1 | 49 |
| 2 | 6GB data | 6GB | 3 | 98 |
| 3 | 13GB Data | 13GB | 7 | 199 |
| 4 | 20GB Data | 20GB | 10 | 294 |
| 5 | 30GB Data | 30GB | 15 | 399 |
त्यसैगरी एमपोस र फिजिकल रिचार्जबाट रिचार्ज गर्दा समेत बोनस अन रिचार्जको रुपमा डाटा प्याकेज उपलब्ध गराउने छ। यस अनुसार रु. २०० देखि रु. ४९९ सम्मको रिचार्ज गर्दा २ दिनका लागि प्रतिदिन १ जीबीका दरले चलाउन सकिने गरी २ जीबी डाटा उपलब्ध हुनेछ । त्यसैगरी रु. ५०० र सो भन्दा बढी रकमको रिचार्ज गर्दा प्रतिदिन २ जीबीका दरले ४ दिन चलाउन सकिने गरी ८ जीबी डाटा उपलब्ध हुनेछ ।
| S.N | Upon Recharge Of Rupees | Bonus on Data | Remarks |
| 1 | 200-499 | 2GB (Per day 1 GB for 2 days) | Free Resources upon recharge shall be used first |
| 2 | 500 and Above | 8GB( Per day 2GB for 4 days) |
नेपाल टेलिकमले उपलब्ध गराउने सो अफर भोलि (२०७९ चैत ३०) देखि आगामी २०८० बैशाख ६ गतेसम्म प्रिपेड तथा पोस्टपेड मोबाइलका ग्राहकले प्याकेज खरिद गर्दा लागु हुनेछ ।
