३१ वैशाख २०७९, काठमाडौं ।
नेपाल टेलिकमले चालु आर्थिक वर्षको तेस्रो त्रैमासिकको वित्तीय विवरण सार्वजनिक गरेको छ । सार्वजनिक भएको विवरण अनुसार कम्पनीको खुद नाफा ७.६३ प्रतिशतले घटेको छ। गत वर्षको सोहि अवधिमा ५ अर्ब ८८ करोड रुपैयाँ खुद नाफा कमाएको कम्पनीको यस वर्ष घटेर ५ अर्ब ४३ करोड रुपैयाँमा झरेको छ।
कम्पनीको टेलिकम सेवा व्यापारबाट २८ अर्ब २१ करोड रुपैयाँ बढी आम्दानी गरेको छ । गत वर्ष कम्पनीको आम्दानी २७ अर्ब ४५ करोड रुपैयाँ आम्दानी गरेको थियो। कम्पनीको अन्य स्रोतबाट हुने आम्दानी पनि ४ अर्ब २२ करोड रुपैयाँबाट बढेर ४ करोड ३१ लाख रुपैयाँमा सीमित बनेको छ ।
समिक्षा अवधिमा कम्पनीको चुक्तापुँजी १८ अर्ब रुपैयाँ रहेको छ भने रिजर्भ कोषमा ७४ अर्ब ११ करोड रुपैयाँ रहेको छ। कम्पनी प्रति सेयर आम्दानी ४० रुपैयाँ २६ पैसा, पीई रेसियो २६.४८ गुणा, प्रतिसेयर नेटवर्थ ५११.१७ रुपैयाँ र तरलता अनुपात १.७२ रुपैयाँ रहेको छ ।
नेपाल टेलिकमको आ.व.२०७८/७९ को तेस्रो त्रैमासिकको वित्तीय विवरणको सारांश
- गत आ.व. को तृतीय त्रैमासिक अवधि (२०७७ चैत्र मसान्त) सम्ममा कम्पनीको कुल सञ्चालन आय रु २७ अर्व ४५ करोड १३ लाख ५३ हजार रहेकोमा चालु आ.व. को सोही अवधि (२०७८ चैत्र मसान्त) सम्ममा रु ७६ करोड ८२ लाख ५९ हजार (अर्थात २.८ प्रतिशत) ले वृद्धि भई रु २८ अर्व २१ करोड ९६ लाख १२ हजार रहेको ।
- गत आ.व. को तृतीय त्रैमासिक अवधि (२०७७ चैत्र मसान्त) सम्मको कुल आय रु. ३१ अर्व ६७ करोड ३७ लाख ७४ हजार रहेकोमा चालु आ.व. को सोही अवधि (२०७८ चैत्र मसान्त) सम्ममा कुल आय रु. ८६ करोड २९ लाख ५६ हजार (अर्थात २.७२ प्रतिशत) ले वृद्धि भई रु. ३२ अर्व ५३ करोड ६७ लाख २९ हजार रहेको ।
- गत आ.व. को तृतीय त्रैमासिक अवधि (२०७७ चैत्र मसान्त) सम्मको खुद मुनाफा रु ५ अर्व ८८ करोड ४४ लाख ७२ हजार रहेकोमा चालु आ.व. को सोही अवधि (२०७८ चैत्र मसान्त) मा रु. ४४ करोड ९१ लाख २५ हजारले कमी भई रु ५ अर्व ४३ करोड ५३ लाख ४७ हजार रहेको ।
गत आ.व.को तृतीय त्रैमासिक अवधि सम्मको तुलनामा चालु आ.व.को सोही अवधि सम्मको खुद मुनाफामा कमी आउनुको प्रमुख कारणहरु निम्नानुसार रहेकोः
- कोभिड–१९ को महामारी तथा इत्त् को बढ्दो प्रयोगले अन्तर्राष्ट्रिय रोमिङ लगायत अन्तरआवद्धता सेवाको प्रयोगमा कमी ।
- २०७८ माघ महिनामा कोभिड–१९ को महामारीको तेस्रो लहरले गर्दा कम्पनीको सेवा उपभोगमा कमी आई कार्य सञ्चालन आयमा कमी आएको ।
- अन्तरआवद्वता शुल्क सम्बन्धी निर्देशिका अनुसार म्यmभकतष्अ अन्तरआवद्वता शुल्क ९त्बचषा० मा कमी भएकोले कार्य सञ्चालन आयमा कमी भएको ।
- सेवा व्यापकरुपमा विस्तार गरिएकोले मर्मत सम्भार खर्चमा भएको वृद्धि, स्थिर सम्पत्तिको ह्रासकट्टी रकममा भएको वृद्धि आदिका कारणले व्ययभार बढ्न गई मुनाफामा असर परेको ।
- कोभिड–१९ को महामारीलाई लक्षित गरी कम्पनीबाट धेरै कम दरका डाटा प्याकेजहरु शुरु गरिएको हुँदा जीएसएमः सेवा तर्फ डाटाको खपत बढे तापनि राजस्वमा सोही अनुपातमा वृद्धि हुन नसकेको ।
- कोभिड–१९ को महामारी पश्चात चिपसेटको अभाव तथा अन्तर्राष्ट्रिय ढुवानीमा कठिनाई र बढ्दो शुल्कका कारण उपकरण तथा सामान आयातमा ढिलाई भई अपेक्षित समयमा सेवा विस्तार गर्न नसकिएको ।
