७ माघ २०७९, काठमाडौं।
नेपाल नेटवर्क अपरेटर्स ग्रुप (एन्पिनोग) ले यही माघ ८ देखि १० सम्म “npNOG-7” नामक ३-दिने कार्यशाला पोखराको होटेल बाराहीमा आज बाट शुरु भएको छ ।
उक्त कार्यशालामा नेटवर्किङ एवं सूचना तथा संचार प्रविधिको क्षेत्रमा लागेका व्यवसायिक विज्ञहरूबाट दुई बिषयगत क्षेत्रमा तालिम संचालन हुनेछ ।
Internet Exchange Nepal (NPIX) तथा Nepal Network Operators Group (NPNOG) ले संयुक्त रुपमा संचालन गर्ने उक्त कार्यशालाका बिषयहरु 1) Network Administration र 2) System Administration रहेका छन् ।
उक्त तालिम कार्यक्रममा सूचना संचार प्रविधिको क्षेत्रमा कार्यरत करीब ७५ जनाले भाग लिइरहेका छन् । NPNOG कार्यक्रम बर्षको दुई पटक गरिने गरिन्छ र सो मध्य एक काठमाडौंमा र अर्को काठमाडौं बाहिर गरिने गरिएको छ साथै देशको लागि सक्षम ब्यवसायिक प्रावधिक जनशक्ति तयार गर्नेमा NPNOG को भुमिका सधै उच्च रहदै आएको छ ।
