एनएमबि बैंकको ऐतिहासिक सफलता: चौथो त्रैमासमा खुद नाफा रु. ४ अर्ब नाघ्यो
१९ साउन, काठमाडौं।
एनएमबि बैंक लिमिटेडले आर्थिक वर्ष २०८२/८३ को चौथो त्रैमासिक वित्तीय विवरण सार्वजनिक गर्दै पहिलोपटक खुद नाफा रु. ४ अर्बको कोसेढुङ्गा पार गरेको छ। अघिल्लो वर्षको तुलनामा ४०.६ प्रतिशतले वृद्धि भई खुद नाफा रु. ४.०१ अर्ब पुगेको यस बैंकको खुद ब्याज आम्दानी, शुल्क तथा कमिसन आम्दानी र ट्रेडिङ आम्दानीमा उल्लेख्य सुधार आएको छ।
प्रमुख वित्तीय झलकहरू:
खुद नाफा: अघिल्लो वर्षको रु. २.८५ अर्बको तुलनामा ४०.६% ले वृद्धि भई रु. ४.०१ अर्ब पुगेको छ ।
वितरणयोग्य नाफा: कुल वितरणयोग्य नाफा रु. १.८७ अर्ब रहेको छ भने प्रति शेयर वितरणयोग्य नाफा ९.०८% कायम भएको छ ।
Advertisement
खुद ब्याज आम्दानी (NII): प्रभावकारी वासलत व्यवस्थापनका कारण खुद ब्याज आम्दानी १७.५% ले बढेर रु. ९.४२ अर्ब पुगेको छ ।
शुल्क तथा कमिसन आम्दानी: डिजिटल र ट्रान्ज्याक्सन बैंकिङमा भएको वृद्धिसँगै शुल्क तथा कमिसन आम्दानी १६.६% ले बढेर रु. २.८३ अर्ब पुगेको छ ।
खुद ट्रेडिङ आम्दानी: ट्रेजरी तथा वैदेशिक मुद्रा कारोबारमा भएको सुधारका कारण ट्रेडिङ आम्दानी ८९.०% ले वृद्धि भई रु. ६८१.४२ मिलियन पुगेको छ ।
प्रतिफल दरहरू: पुँजी प्रतिफल र सम्पत्ति प्रतिफलमा सुधार भई क्रमश) ११.५८% र १.०४% रहेको छ ।
For more: NMB Bank Q4 Net Profit Surges
