भोटेकोशी बाढी: एन आई सी एशिया बैंकका ३ शाखा पूर्ण क्षतिग्रस्त, कर्मचारी सुरक्षित
१२ भदौ, काठमाडौं।
रसुवाको भोटेकोशी नदीमा आएको भीषण बाढीका कारण एन आई सी एशिया बैंकका स्याफ्रुबेशी, बेत्रावती र त्रिशुली शाखा पूर्ण रूपमा क्षतिग्रस्त भएका छन्। बैंकका सम्पूर्ण कर्मचारीहरू सुरक्षित रहेको र आवश्यक परेमा हेलिकोप्टरमार्फत उद्धारको व्यवस्था मिलाइएको छ।
बाढीले ठूलो जनधनको क्षति पुर्याएको यस दुःखद घडीमा बैंकले आफ्ना सम्पूर्ण कर्मचारीहरू सुरक्षित रहेको र आवश्यक परेमा उद्धारका लागि हेलिकोप्टर तयारी अवस्थामा राखिएको जनाएको छ।
बाढी प्रभावित शाखाहरूको अवस्था
स्याफ्रुबेशी शाखा (रसुवा): नदीको भीषण बहावले बैंक रहेको भवन पूर्ण रूपमा बगाएको।
बेत्रावती शाखा (नुवाकोट): बाढीको कटानका कारण भवन बगेर पूर्ण रूपमा नष्ट भएको।
Advertisement
त्रिशुली शाखा (नुवाकोट): बाढीसँगै आएको लेदो र माटोले भवन पूर्ण रूपमा पुरिएको।
बैंकको आधिकारिक वक्तव्य तथा सेवा सम्बन्धी जानकारी
शाखा सेवा बन्द: क्षतिग्रस्त शाखाहरूबाट अर्को व्यवस्था नभएसम्मका लागि बैंकिङ सेवा पूर्ण रूपमा स्थगित गरिएको छ।
कर्मचारी सुरक्षा तथा उद्धार: प्रभावित क्षेत्रमा कार्यरत कर्मचारी तथा तिनका परिवारलाई आवश्यक परेमा तत्काल हेलिकोप्टर मार्फत स्थानान्तरण गर्न बैंक तयारी अवस्थामा रहेको छ।
श्रद्धाञ्जली तथा समवेदना: बैंकका सहायक प्रमुख कार्यकारी अधिकृत तथा प्रमुख सूचना अधिकारी जयन्द्र बहादुर रावलद्वारा जारी विज्ञप्तिमा मृतकहरूप्रति श्रद्धाञ्जली, घाइतेहरूको शीघ्र स्वास्थ्यलाभ र बेपत्ता नागरिकहरूको कुशल उद्धारको कामना गरिएको छ।
For more: NIC ASIA Bank Damaged by Flood
