सरोज खनाल र लक्ष्मी गिरीको सशक्त अभिनय रहेको सिरिज “घर…एक सपना” अब DishHome GO OTT मा
२४ पुष २०८२, काठमाडौं ।
नेपाली दर्शकहरूका लागि गुणस्तरीय सामग्री पस्किँदै आएको DishHome GO OTT एपले नयाँ कोसेढुङ्गा थपेको छ। भोलि शुक्रबारदेखि यस प्लेटफर्ममा बहुप्रतिक्षित नेपाली सिरिज “घर…एक सपना” आधिकारिक रूपमा स्ट्रिमिङका लागि उपलब्ध हुने भएको छ।
पारिवारिक कथा र सशक्त अभिनय लेखक तथा निर्देशक अजित लामिछानेको निर्देशनमा तयार भएको यस सिरिजमा नेपाली कला क्षेत्रका दिग्गज कलाकारहरूको अभिनय रहेको छ।
सिरिजमा सरोज खनाल, लक्ष्मी गिरी र विश्व बस्नेत जस्ता अनुभवी कलाकारहरूका साथै सुरेश थापा, सृजना अधिकारी, बिप्लभ लोहनी, पुष्पाञ्जली लिम्बु र सुनील तामाङको सशक्त भूमिका देख्न पाइनेछ।
मुख्य विशेषताहरू
मार्मिक कथावस्तु: आयुषा पोखरेलको प्रस्तुति रहेको यस सिरिजले एक नेपाली परिवारभित्रको सम्बन्ध, जिम्मेवारी, लोभ र सपनाबीचको द्वन्द्वलाई यथार्थपरक ढंगले चित्रण गरेको छ।
Advertisement
भावनात्मक यात्रा: घर र परिवारको वास्तविक मूल्य बुझाउने उद्देश्य बोकेको यो सिरिजले दर्शकलाई भावनात्मक यात्रामा लैजानेछ।
गुणस्तरीय अनुभव: DishHome GO OTT ले आफ्ना प्रयोगकर्तालाई उच्च गुणस्तरमा मौलिक नेपाली सामग्री उपलब्ध गराउने प्रतिबद्धतालाई यस सिरिजमार्फत निरन्तरता दिएको छ।
DishHome GO OTT को बारेमा: DishHome GO OTT नेपालको एक अग्रणी डिजिटल मनोरञ्जन प्लेटफर्म हो। यहाँ नेपाली तथा अन्तर्राष्ट्रिय खेलकुद, चलचित्र, सिरिज र लाइभ टेलिभिजन सहजै हेर्न सकिन्छ।
For more: Nepali Cinema Ghar… Ek Sapana
