नेपाल बैंकको सर्वसुलभ आवास कर्जा योजना, २ करोड सम्मकोकर्जा

बैंकले ५ देखि २५ वर्षसम्मको भुक्तानी अवधि  तोकेर, न्यूनतम ५ लाखदेखि अधिकतम २ करोड रुपैयाँसम्मको कर्जा उपलब्ध गराउने जनाएको छ। यसैसँगै, बैंकले सेवा शुल्कमा अधिकतम ३३.३३ प्रतिशतसम्म छुट दिने व्यवस्था पनि गरेको छ। ग्राहकले यस योजना अन्तर्गत घर निर्माणका विभिन्न चरणका लागि सहज कर्जा प्रवाहको फाइदा उठाउन सक्नेछन्।

नेपाल बैंकले समृद्ध व्यवसाय कर्जा योजनामा पनि ब्याजदर घटाउँदै आएको छ। हाल, व्यवसाय कर्जाको ब्याजदर ८.२८ प्रतिशत रहेको छ भने कर्जा सीमा १० करोड रुपैयाँसम्म रहेको छ। व्यवसायिक ग्राहकहरुले चालुपुँजी र स्थिरपुँजी व्यवस्थापनका लागि यो कर्जा प्रयोग गर्न सक्नेछन्।

यस्तै, नयाँ गाडी खरिदका लागि नेपाल बैंक अटो लोन योजना पनि बैंकले ल्याएको छ। ५ देखि ७ वर्षको भुक्तानी अवधि राखेर अटो लोनमा हाल ब्याजदर ७.७८ प्रतिशत रहेको छ।

हाल नेपाल बैंकले देशभर २२९ शाखा, ६० एक्स्टेन्सन काउन्टर, र २०५ एटिएमबाट सेवा प्रदान गरिरहेको छ। बैंकले आफ्ना ग्राहकलाई डिजिटल बैंकिङ, र अनलाइन सेवाको माध्यमबाट पनि उत्कृष्ट सेवा सुविधा दिन निरन्तर प्रयास गरिरहेको जनाएको छ।

नेपाल बैंकको सर्वसुलभ आवास कर्जा योजना ग्राहकहरूलाई न्यून ब्याजदरमा घर निर्माण र खरिदको सुनौलो अवसर प्रदान गर्न लक्षित छ। यसका साथै, बैंकले अन्य कर्जा योजनामा पनि ब्याजदर घटाएर ग्राहकहरूको जीवनलाई सहज बनाउने दिशामा काम गरिरहेको छ।

थप जानकारीका लागि नेपाल बैंकका शाखा कार्यालय वा ग्राहक सेवा केन्द्रमा सम्पर्क गर्न सकिनेछ।

#नेपालबैंक #आवासकर्जा #घरजग्गा #बैंकिंगसेवा

For More:-Nepal Bank housing loan 2 Crore