नेपाल बैंकको ९० औं वार्षिकोत्सवमा ९० दिनको विशेष अफर ! न्यूनतम ब्याजदरमा घर कर्जा योजना सार्वजनिक
३० कात्तिक, काठमाडौं।
नेपालको पहिलो बैंक, नेपाल बैंक लिमिटेडले आफ्नो स्थापनाको ९०औँ वार्षिकोत्सवको अवसर पारेर विशेष छुट सुविधासहितको ‘सर्वसुलभ आवास कर्जा योजना’ सार्वजनिक गरेको छ ।
बैंक यही कात्तिक ३० गते सोमबारदेखि ९०औँ वर्षमा प्रवेश गर्दैछ । सोही ऐतिहासिक अवसरमा बैंकले ९० दिनका लागि अत्यन्तै न्यून ब्याजदर तथा सेवा शुल्कमा यो आवास कर्जा योजना सञ्चालनमा ल्याएको हो ।
घर कर्जा योजनाका मुख्य विशेषताहरू
यस विशेष योजनाअन्तर्गत ग्राहकहरूले आफ्नो आवश्यकता अनुसार नयाँ घर खरिद, घर निर्माण, घर मर्मत तथा अपार्टमेन्ट खरिद गर्नका लागि सहज रूपमा कर्जा प्राप्त गर्न सक्नेछन् । योजनाका प्रमुख आकर्षणहरू निम्न अनुसार छन्:
न्यून ब्याजदर: यो कर्जाको ब्याजदर बैंकको आधार दर (Base Rate) मा मात्र ०.५ प्रतिशत प्रिमियम थप गरी प्रारम्भ हुनेछ ।
न्यून सेवा शुल्क: कर्जा प्रवाह गर्दा मात्र ०.२५ प्रतिशत सेवा शुल्क लाग्नेछ ।
दीर्घकालीन भुक्तानी अवधि: ग्राहकको सहजताका लागि कर्जाको भुक्तानी अवधि अधिकतम २५ वर्षसम्मको रहने व्यवस्था गरिएको छ ।
निःशुल्क क्रेडिट कार्ड: यो आवास कर्जा लिने ग्राहकले बैंकबाट रु. ५ लाखसम्मको लाइफटाइम निःशुल्क क्रेडिट कार्ड (Lifetime Free Credit Card) सुविधा प्राप्त गर्नेछन् ।
लकर शुल्कमा भारी छुट: कर्जाग्राहीले बैंकको लकर सुविधाको वार्षिक शुल्कमा ५० प्रतिशत छुट पाउनेछन् ।
योजना लागू हुने अवधि
नेपाल बैंक लिमिटेडले यो विशेष आवास कर्जा योजना आगामी आइतवार कात्तिक १५ गतेदेखि माघ १५ गतेसम्म (कुल ९० दिन) का लागि लागू हुने जनाएको छ । आफ्नै घर वा अपार्टमेन्ट जोड्ने सपना देखेका ग्राहकहरूका लागि न्यून ब्याजदर र अतिरिक्त बैंकिङ सुविधासहितको यो योजना अत्यन्तै फलदायी हुने विश्वास बैंकले लिएको छ ।
For more: Nepal Bank 90th Anniversary

