३ भदौ, काठमाडौं ।
हेलो सरकारमा अब एनसेल नम्बरबाट समेत निःशुल्क कल गरेर गुनासो टिपाउन सकिने भएको छ । हेलो सरकारले एक सूचना निकाल्दै उक्त कुराको जानकारी गराएको हो ।
यसअघि एनसेल नम्बरबाट कल गर्दा नलाग्ने समस्या पूर्ण रूपमा समाधान भएको हेलो सरकारले जनाएको छ।
यसका साथमा अबदेखि नेपाल टेलिकम र एनसेलका मोबाइल सेवा प्रदायकहरुले हेलो सरकारको टोल फ्रि नम्बर ११११ मा गुनासो टिपाउन सक्नेछन्। त्यस्तै ट्वीटर, ह्वाट्सएप, भाइबर, ईमेल लगायतका माध्यमबाट पनि गुनासो टिपाउन सकिने छ ।
नागरिकको गुनासो सुन्न यस सेवालाई सरकारले चौबिसै घण्टा सञ्चालन गरिरहेको छ ।
