२२ पुस २०७९, काठमाडौं।
नेपाल विद्युत प्राधिकरणले राज्यको उच्च स्तरिय समितिको प्रतिवेदनलाई नमानी आफूखुसी भाडा गलत/गैरकानुनी ढङ्गले तिव्रताका साथ कार्यहरु गरिरहेको छ।
उदाहरणको लागि अति आवश्यक इन्टरनेट सेवा अवरुद्ध पार्न हरसम्भव प्रयास गरिरहेको छ। अहिले नेपाल विद्युत प्राधिकरणले पोखरामा इन्टरनेट सेवा प्रदायकहरुको मुख्य Operation Point मा छानेरै विद्युत विच्छेद गरेकोले (सेवा प्रदायकहरुले विद्युत महसुल नियमित रुपमा भुक्तानी गर्दागर्दै) अधिकाँस (९५ प्रतिशत) इन्टरनेट सेवा प्रदायकहरुको Link Down हुन गएकोले पोखरा र आसपासको क्षेत्रमा इन्टरनेट सेवा अवरुद्ध भएको छ।
यसरी इन्टरनेट सेवा प्रवाहमा असर गर्नेगरी नेपाल विद्युत प्राधिकरणले गरेका कार्यले मानव अधिकारलाई चुनौती समेत दिइरहेको छ।
इन्टरनेट सेवा प्रदायक संघ नेपाल विद्युत प्राधिकरणका कारण उत्पन्न भएको सो अवस्था प्रति राज्यको उच्च निकायहरुको ध्यानाकर्षण गर्दै नेपाल विद्युत प्राधिकरणसंग आवश्यक क्षतिपूर्तिको माग गर्दछ।
