एकीकृत साइबर स्क्याम प्रतिकार्य केन्द्र सञ्चालनमा: २४ घण्टा उजुरीका लागि १२४७ मा सम्पर्क गर्नुहोस्

 २१ कात्तिक, काठमाडौं।

नेपालमा बढ्दो साइबर ठगी तथा वित्तीय अपराधलाई नियन्त्रण गर्न नेपाल सरकारले एकै ठाउँबाट सेवा दिने गरी एकीकृत साइबर स्क्याम प्रतिकार्य केन्द्र (Integrated Cyber Scam Response Center) सञ्चालनमा ल्याएको छ।

शुक्रबार नेपाल प्रहरीका प्रहरी महानिरीक्षक डा. मनोजकुमार केसीको प्रमुख आतिथ्यमा आयोजित एक विशेष कार्यक्रमका बीच यो केन्द्रको औपचारिक सुरुवात गरिएको हो।

नेपाल सरकारको निर्णय र केन्द्र स्थापनाको उद्देश्य

नेपाल सरकारको मिति २०८३ असोज २३ गतेको मन्त्रीस्तरीय निर्णयअनुसार यस केन्द्रको स्थापना भएको हो। डिजिटल प्रविधिको प्रयोगसँगै बढेको साइबर अपराध तथा अनलाइन ठगी नियन्त्रण गर्न र नागरिकको वित्तीय सुरक्षा सुनिश्चित गर्न यो केन्द्र सञ्चालनमा ल्याइएको हो।

एकीकृत सेवा: प्रहरी, बैंक र टेलिकम एकै ठाउँमा

साइबर ठगी नियन्त्रण र द्रुत प्रतिकार्य (Quick Response) लाई प्रभावकारी बनाउन यस केन्द्रमा विभिन्न नियामक तथा सेवा प्रदायक निकायहरूले एकीकृत रूपमा काम गर्नेछन्:

• नेपाल प्रहरी

• बैंक तथा वित्तीय संस्थाहरू

  Advertisement

  

• विद्युतीय भुक्तानी सेवा प्रदायक (Digital Wallet Providers)

• दूरसञ्चार (Telecom) र इन्टरनेट सेवा प्रदायकहरू

यसरी सबै निकायहरू एकै स्थानमा रहने भएकाले साइबर ठगी हुँदा बैंक खाता फ्रिज गर्ने, टेलिकम डाटा ट्र्याक गर्ने र दोषीलाई तुरुन्त कारबाही गर्ने प्रक्रिया द्रुत गतिमा हुनेछ।

२४ सै घण्टा सेवा र आकस्मिक नम्बर १२४७ (1247)

नागरिकहरूले साइबर ठगीसम्बन्धी कुनै पनि उजुरी वा सूचना २४ सै घण्टा दिन सक्नेछन्। यसका लागि २४ घण्टै उपलब्ध रहने सम्पर्क अधिकृतहरूसँगै आकस्मिक फोन नम्बर १२४७ (Toll-Free Helpline 1247) सञ्चालनमा ल्याइएको छ।

कुनै पनि साइबर स्क्याम वा डिजिटल वित्तीय ठगीमा परेमा तुरुन्त १२४७ मा डायल गरी मद्दत लिन सकिनेछ।

डिजिटल वित्तीय प्रणाली सुरक्षित बनाउने लक्ष्य

यस एकीकृत केन्द्रले साइबर ठगीबाट हुने सम्भावित जोखिम न्यूनीकरण गर्दै देशको डिजिटल वित्तीय प्रणालीलाई थप सुरक्षित, भरपर्दो र विश्वसनीय बनाउने लक्ष्य लिएको छ।

For more: Integrated Cyber Scam Response Center