हुलास स्टिल इन्डस्ट्रिजद्वारा “हुलास डे २०२६” सामुदायिक तथा दिगोपन कार्यक्रम सम्पन्न
२२ साउन, काठमाडौं।
दिवाकर गोलच्छा अर्गनाइजेशन अन्तर्गतको हुलास स्टिल इन्डस्ट्रिज लिमिटेड ले सिमरास्थित आफ्नो कारखाना परिसरमा “हुलास डे २०२६” विविध सामुदायिक तथा दिगोपनमुखी कार्यक्रमका साथ सफलतापूर्वक सम्पन्न गरेको छ।
कार्यक्रम अन्तर्गत वृक्षारोपण अभियान, कर्मचारीहरूका लागि निःशुल्क दन्त स्वास्थ्य शिविर, तथा कम्पनीका वातावरणीय, सामाजिक तथा सुशासन (ESG) सम्बन्धी पहलहरू र मूल्यमान्यताबारे प्रस्तुति गरिएको थियो।
Advertisement
ESG प्रस्तुतिमा कम्पनीको १,३१८ kWp क्षमताको छानामाथिको सौर्य ऊर्जा प्रणाली, भट्टी तथा जेनेरेटरको विद्युतीकरण, आफ्नै इफ्लुएन्ट ट्रिटमेन्ट प्लान्ट (ETP), व्यवस्थित फोहर व्यवस्थापन प्रणाली, कारखाना परिसरमा विस्तार हुँदै गएको हरित क्षेत्र, साथै ISO 14001 प्रमाणीकरण र कार्बन बोर्डर एडजस्टमेन्ट मेकानिजम (CBAM) अनुरूपको तयारीलगायतका दिगोपन सम्बन्धी उपलब्धिहरू प्रस्तुत गरिएको थियो।
कार्यक्रममा उत्कृष्ट योगदान पुऱ्याएका कर्मचारीहरूलाई सम्मान गर्दै उनीहरूको समर्पण र योगदानको उच्च कदर गरिएको थियो। यस अवसरले कर्मचारीप्रतिको सम्मान, संस्थागत उत्कृष्टता तथा दिगो विकासप्रतिको कम्पनीको प्रतिबद्धतालाई पुनः उजागर गरेको छ।
For More: Hulas Day 2026 Program
