कोशी प्रदेशमा पहिलोपटक ‘हिकभिजन एक्सपेरियन्स एक्स्पो २०२६’: सुरक्षा प्रविधिको नयाँ युग

२९ साउन, काठमाडौं।

कोशी प्रदेशमा पहिलोपटक आधुनिक र आर्टिफिसियल इन्टेलिजेन्स (AI) युक्त सुरक्षा प्रणालीसम्बन्धी बृहत् प्रदर्शनी ‘हिकभिजन एक्सपेरियन्स एक्स्पो २०२६ – कोशी एडिसन’ आयोजना हुने भएको छ।

सुरक्षा प्रविधिको क्षेत्रमा विश्वभर चर्चित ब्रान्ड हिकभिजन (Hikvision) का अत्याधुनिक उत्पादन र प्रविधिलाई एकै ठाउँमा प्रस्तुत गर्ने उद्देश्यले यो एक्स्पो सञ्चालन गर्न लागिएको हो।

व्यावसायिक तथा घरेलु सुरक्षा प्रणालीलाई थप प्रविधिमैत्री र सुरक्षित बनाउनका लागि एक्स्पोले महत्त्वपूर्ण भूमिका खेल्ने अपेक्षा गरिएको छ।

एक्स्पोका प्रमुख आकर्षणहरू

लाइभ डेमो तथा प्रदर्शनी: हिकभिजनका नयाँ एआई क्यामेरा, अनुहार पहिचान गर्ने प्रणाली (Facial Recognition), र स्मार्ट सेन्सरहरूको प्रत्यक्ष परीक्षण।

विज्ञहरूसँग परामर्श: निजी घर, बैंक, व्यावसायिक प्रतिष्ठान, तथा उद्योगहरूका लागि आवश्यक पर्ने सेक्युरिटी सोलुसनबारे विज्ञहरूसँग प्रत्यक्ष छलफल।

हातैले अनुभव गर्ने अवसर (Hands-on Experience): आधुनिक सुरक्षा उपकरणहरू कसरी काम गर्छन् र कसरी नियन्त्रण गरिन्छ भन्नेबारे व्यावहारिक जानकारी।

आयोजक तथा स्थानीय व्यवस्थापन

नेपालका लागि हिकभिजनको आधिकारिक वितरक म्याक्सिमा मल्टी नेशनल ट्रेडिङ प्रा. लि. को मुख्य आयोजनामा हुन लागेको यो कार्यक्रमबारे कम्पनी प्रमुख मनिकुमार तामाङले जानकारी दिँदै कोशी प्रदेशमा नयाँ प्रविधि विस्तार गर्न यो एक्स्पो कोशेढुंगा साबित हुने बताउनुभयो।

Advertisement

कार्यक्रमलाई प्रभावकारी रूपमा सम्पन्न गर्न पूर्वका चार प्रमुख IT तथा सुरक्षा कम्पनीहरूले व्यवस्थापनको जिम्मेवारी लिएका छन्:

एल्पनाइन टेक्नोलोजीज (विराटनगर) – सञ्चालक: सुरज ढुंगाना

प्यारागन आइटी सोलुसन (इटहरी)

आरएस कम्प्युटर (दमक)

तेजस्वी कम्प्युटर सपोर्ट (बिर्तामोड)

एल्पनाइन टेक्नोलोजीजका सञ्चालक सुरज ढुंगानाका अनुसार यस क्षेत्रका व्यवसायी तथा आम नागरिकलाई डिजिटल सुरक्षा प्रणालीतर्फ आकर्षित गराउन र आधुनिक सेक्युरिटी समाधान उपलब्ध गराउन एक्स्पोले विशेष योगदान पुर्‍याउनेछ।

कार्यक्रमको विवरण

For more: Hikvision Experience Expo 2083