इसेवाको ‘जात्रा केयर’ बीमा योजना: १० रुपैयाँमा पाउनुहोस् २ लाख ३० हजारसम्मको सुरक्षा
९ असोज, काठमाडौं।
इसेवाले जात्रा पर्वलाई लक्षित गरी हिमालयन एभरेस्ट इन्स्योरेन्सको सहकार्यमा मात्र रु. १० मा ‘जात्रा केयर’ बीमा योजना ल्याएको छ। असोज ७ देखि १३ गतेसम्म लागू हुने यस योजनामार्फत २ लाख २० हजार दुर्घटना बीमा र १० हजार अस्पताल खर्च गरी कुल रु. २ लाख ३० हजारसम्मको आर्थिक सुरक्षा प्राप्त गर्नुहोस्। जात्रालाई सुरक्षित बनाउन आजै इसेवा एपमार्फत यो बीमा सुविधा लिनुहोस्।
नेपालको अग्रणी डिजिटल वालेट इसेवाले जात्रा पर्वलाई सुरक्षित र उत्साहपूर्ण रूपमा मनाउन ‘जात्रा केयर’ बीमा योजना सार्वजनिक गरेको छ। हिमालयन एभरेस्ट इन्स्योरेन्ससँगको सहकार्यमा ल्याइएको यो बीमा योजना मात्र १० रुपैयाँमा उपलब्ध हुनेछ।
असोज ७ गतेदेखि असोज १३ गतेसम्म ७ दिन लागू हुने यस योजनाले जात्रा मनाउने क्रममा हुन सक्ने आकस्मिक दुर्घटनाबाट उत्पन्न आर्थिक जोखिम न्यूनीकरण गर्न सहयोग गर्नेछ। बीमा योजनाअन्तर्गत कुल २ लाख ३० हजार रुपैयाँसम्मको सुरक्षा प्रदान गरिनेछ, जसमा दुर्घटना बीमाअन्तर्गत २ लाख २० हजार रुपैयाँ र अस्पताल खर्च सहायताअन्तर्गत १० हजार रुपैयाँको सुविधा उपलब्ध हुनेछ।
Advertisement
जात्रा पर्व उत्साह, उमंग र सांस्कृतिक परम्परासँग जोडिएको भए पनि भीडभाड तथा आवतजावतका क्रममा विभिन्न आकस्मिक दुर्घटनाको जोखिम रहन सक्छ। यस्ता जोखिमबाट हुन सक्ने आर्थिक भारलाई केही हदसम्म कम गर्न ‘जात्रा केयर’ बीमा योजना उपयोगी हुने इसेवाले जनाएको छ। यो बीमा योजना इसेवा एपमार्फत सहजै खरिद गर्न सकिनेछ।
इसेवाले जात्रा पर्वलाई सुरक्षित, मर्यादित र उल्लासमय रूपमा मनाउन सबैलाई सचेत रहन आग्रह गर्दै ‘जात्रा केयर’ बीमा योजनाको लाभ लिन अनुरोध गरेको छ।
For more: eSewa Jatra Care Scheme
