सिटिजन्स बैंकको कोशी प्रदेशमा बिजनेस एक्स्पान्सन र एसेट क्वालिटी इन्हान्समेन्ट कार्यक्रम सम्पन्न
१७ भदौ, काठमाडौं।
सिटिजन्स बैंक इन्टरनेसनल लिमिटेडले कोशी प्रदेशमा आफ्ना प्रदेश प्रमुख, शाखा-प्रबन्धक तथा अन्य सहकर्मीहरू माझ “एक्सिलेरेटेड कमर्सियल मोमेन्टमः बिजनेस एक्स्पान्सन एन्ड एसेट क्वालिटी इन्हान्समेन्ट इन कोशी प्रदेश” कार्यक्रम आयोजना गरेको छ।
सो सेमिनार बैंकका प्रमुख कार्यकारी अधिकृत गणेशराज पोखरेल, नायव प्रमुख कार्यकारी अधिकृत, सहायक प्रमुख कार्यकारी अधिकृत लगायत वरिष्ठ कार्यकारीको उपस्थितिमा सम्पन्न भएको छ।
कार्यक्रममा गत आर्थिक वर्षको कार्य प्रगति समीक्षा एवं चालु आर्थिक वर्षका बजेट, रणनीतिक कार्य योजना एवं प्राथमिकताहरूमा छलफल गर्दै केन्द्र र प्रदेश बीच सहकार्य सुदृढ गर्ने विषयमा गहिरो अन्तरक्रिया भएको छ।
कोशी प्रदेशको १० जिल्लामा सिटिजन्स बैंकको २८ शाखा कार्यालयहरू सञ्चालनमा छन्। यस अघि नै बैंकले बागमती प्रदेशमा साउन २२, २०८३ मा “लिडिसिङ फ्रम द फ्रन्टः स्ट्रेटिजिक ग्रोथ इम्पेरेटिभ्स फर बागमती प्रदेश” कार्यक्रम सम्पन्न गरेको थियो।
Advertisement
कार्यक्रममा बागमती प्रदेशको ११ जिल्लामा अवस्थित ५६ शाखा प्रबन्धक, प्रदेश प्रमुख लगायत बैंकका उच्च पदहरु अधिकारीहरूको सहभागिता रहेको थियो त्यसैको निरन्तरता स्वरूप कोशी प्रदेशमा यस किसिमको सेमिनार गरिएको हो। अरु प्रदेशहरूमा पनि यसै गरी क्रमशः कार्यक्रम आयोजना गरिनेछ।
बैंकको गत आर्थिक वर्ष २०८२/२०८३ मा कर्जा प्रवाह १.२४ प्रतिशतले वृद्धि भई रु. १ खर्व ७७ अर्ब ३३ करोड पुगेको छ साथै निक्षेप संकलनमा पनि ९.२२ प्रतिशतको वृद्धि रु. २ खर्व ३३ अर्ब ८१ करोड पुगेको छ। बैंकको खुद नाफा ६३.०५ प्रतिशतले बढेर रु. २ अर्ब ९ करोड ८६ लाख पुगेको छ।
“विश्वकै प्रतिष्ठित अवार्ड बैंक अफ द ईयर्स २०२४ र २०२५ को उपाधि प्राप्त गर्न सफल भएको बैंकले यस अघि नै फोनपेसँगको सहकार्यमा नेपालमै पहिलो पटक “सिटिजन्स फोनपे क्रेडिट कार्ड” भर्चुअल क्रेडिट कार्ड सञ्चालनमा ल्याएको छ। हालसालै बैंकले नवयुवा लक्षित बचत खाता “सिटिजन्स जेन-जी सेभिङ्ग अकाउन्ट” र “सिटिजन्स डिजी बैंक सेवा” नामक एकीकृत अनलाइन प्लेटफर्म सञ्चालनमा ल्याएको छ।
फ्रिलान्सरहरूलाई लक्षित गरी विशेष “फ्रिलान्सर सेभिङ्ग अकाउन्ट” नामक नयाँ बचत खाता सुरु गरेको छ साथै नेपालमै पहिलो पटक मोबाइल बैंकिङ एप मार्फत नै शेयर आवेदन र सी.आर.एन् नम्बर सेवा लिन सकिने सुविधा लगायत क्रस बैंक टेलर सुविधा जसमा अन्य बैंकका ग्राहकले सिटिजन्स बैंकको शाखाबाट टेलर क्यू आर स्क्यान गरी नगद प्राप्त गर्न सकिने समेत ल्याएको छ।
सिटिजन्स बैंक इन्टरनेसनल लिमिटेडले देशैभरी ६१ जिल्लामा फैलिएका आफ्ना २०० वटा शाखा, १६९ वटा ए.टि.एम., ३ विस्तारित काउन्टर र ४२ वटा शाखा रहित बैंकिङ्ग ईकाइहरुबाट २० लाख ६२ हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ।
