७ करोड ७० लाख कर्जा दुरुपयोग अभियोग: प्रभु बैंकका पूर्व सीईओ अशोक शेरचन पुर्पक्षका लागि जेलमा
असोज, काठमाडौं।
उच्च अदालत पाटनको आदेश, बैंकिङ कसुर तथा ७ करोड ७० लाखभन्दा बढीको कर्जा दुरुपयोगको अभियोगमा प्रभु बैंकका तत्कालीन सीईओ अशोक शेरचन पुर्पक्षका लागि जेल चलान।
प्रभु बैंकका तत्कालीन प्रमुख कार्यकारी अधिकृत (CEO) अशोक शेरचन बैंकिङ कसुरसम्बन्धी मुद्दामा पुर्पक्षका लागि जेल चलान भएका छन्। उच्च अदालत पाटनका न्यायाधीशद्वय गणेशप्रसाद बराल र राजुकुमार खतिवडाको इजलासले मुद्दाको अन्तिम किनारा लाग्दा उनी निर्दोष साबित हुने आधार नभएको भन्दै थुनामा राख्न आदेश दिएको हो।
मुख्य अभियोगहरू:
नियमविपरीत कर्जा प्रवाह: जानकी हेल्थ फाउन्डेसनसँग सम्बन्धित कर्जा प्रवाह गर्दा ऋणीसँग मिलेमतो गरेको, नेपाल राष्ट्र बैंकको नियमन उल्लङ्घन गरेको र पर्याप्त धितोबिना नै ऋण उपलब्ध गराएको।
Advertisement
सञ्चालक समितिको स्वीकृतिबिना रकम प्रयोग: बैंकको पार्किङ खाताबाट सञ्चालक समितिको स्वीकृति नलिई रकम प्रयोग गरेको।
बिगो तथा सजाय माग: नेपाल राष्ट्र बैंकको प्रतिवेदन र सिआईबीको अनुसन्धानपछि सरकारी वकिलको कार्यालयमार्फत मुद्दा दर्ता गरिएको थियो। यसमा ७ करोड ७० लाख १७ हजार ७०१ रुपैयाँ बिगो कायम गरी बैंकिङ कसुर तथा सजाय ऐन, २०६४ बमोजिम सजायको माग दाबी गरिएको छ।
नेपालको बैंकिङ इतिहासमा नै कुनै बैंकका सीईओ बैंकिङ कसुर मुद्दामा जेल चलान भएको यो पहिलो घटना हो।
For more: Ashok Sherchan Jail on Loan Misuse Charges
