१, माघ २०७७, काठमाडौं ।
युनाईटेड फाइनान्स लिमिटेडको छब्बिसौ वार्षिक साधारण सभा यही २०७७ साल पौष २९ गते बुधबार युनाईटेड फाइनान्स लिमिटेडको सभा कक्ष दरवारमार्ग काठमाण्डौमा बिहान ११ः३० बजे देखि ZOOM मार्फत भिडियो काफरेन्सिङद्धारा सम्पन्न भयो ।
संस्थाको सञ्चालक समितिका अध्यक्ष बसन्त कुमार चौधरी ज्युले ZOOM मार्फत नै अध्यक्षता गर्नु भएको उक्त कार्यक्रममा सञ्चालकहरु विष्णु कुमार अग्रवाल, बेनीगोपाल मुन्दडा, मनिष खेमका, के.आर.बिजिमोन, रोशन अधिकारी, श्रीमति प्रभा पाण्डे साथै प्रमुख कार्यकारी अधिकृत अजय कुमार मिश्र लगायत संस्थाका उच्च पदस्थ अधिकारीहरु, लेखा परिक्षकहरु, कानुनी सल्लाहकार एवम् नियमनकारी निकायबाट पाल्नुभएका अतिथिहरुको उपस्थिति रहेको थियो ।
संस्थाका प्रमुख कार्यकारी अधिकृत तथा कम्पनी सचिव श्री अजय कुमार मिश्रले दिएको जानकारी अनुसार उक्त साधारण सभामा संस्थाको चुक्ता पुँजीको करिब ८१ प्रतिसत प्रतिनिधित्व हुने गरी सेयरधनीहरुको प्रोक्शी मार्फत, भौतिक तथा Virtual उपस्थिती रहेको थियो ।
उक्त साधारण सभाले आ.ब. २०७६ /७७ को सञ्चालक समितिको वार्षिक प्रतिवेदन,संस्थाको लेखापरिक्षण प्रतिवेदन सहितको आ.व.२०७६ /७७ को वार्षिक वित्तिय विवरणहरु पारित ग्यो । संस्थाले आ.व. २०७७÷७८ को लेखापरिक्षण गर्नको लागि संस्थाको लृखापरिक्षण समितिबाट सिफारिस गरिए बमोजिम लेखापरिक्षक SAR Associates लाई पुन नियुक्ती गरेको छ । सभामा सेयरधनीहरुले उठाएका विभिन्न जिज्ञासा तथा सुझावहरुका सम्बन्धमा सञ्चालक समितका अध्यक्षज्यु र प्रमुख कार्यकारी अधिकृतले जवाफ दिनु भएको थियो ।
