राजधानीमा ‘पूर्वाञ्चल युनिभर्सिटी एजुकेसन फेयर २०१६’ सुरू भएको छ । असार १७, १८ र १९ गते वर्ल्ड ट्रेड सेन्टरमा सञ्चालन हुने फेयरको उद्घाटन शिक्षा मन्त्री गिरिराजमणि पोखरेलले गरेका छन्। पूर्वाञ्चल एजुकेसन फेयर २०१६’ मा विद्यार्थीहरुले एकै थलोमा विभिन्न फ्याकल्टी र कलेजहरुसँग सम्वन्धित जानकारी प्राप्त गर्न सक्नुका साथै शैक्षिक परामर्र्श, प्रेजेन्टेसन र सेमिनारहरुमा पनि विद्यार्थीहरु समभागिता जनाउन पाउनेछन् । ‘यस फेयर अवलोकन गर्ने विद्यार्थीहरुलाई विभिन्न शिर्षकका स्करलसिप, एजुकेसन लोन र विभिन्न सेवा—सुविधाहरुको पनि ब्यवस्था गरिएको छ । विशेषगरी विद्यार्थीहरुले कलेज तथा विषय छनौटका लागि विभिन्न कलेज÷कलेजमा पुग्नु पर्ने बाध्यतालाई यस एजुकेसन फेयरले सम्वोधन गर्ने विश्वास हामीले लिएका छौं,’ आयोजकले जारी गरेको प्रेस विज्ञप्तिमा भनिएको छ ।
आयोजकले लहडका आधारमा पछिल्लो समयमा विदेश जाने विद्यार्थीहरुको संख्या बढेको बढ्दै समयमा मेलाले नेपालमै अन्तराष्ट्रिय मापदण्ड र गुणस्तर अनुरुपका कलेजहरु छन् र ती कलेजहरुले क्षमतावान जनशक्ती उत्पादन गरिरहेका भन्ने सन्देश दिन खोजिएको पनि उल्लेख गरेको छ ।
‘प्राविधिक शिक्षणको लागि त नेपाली कलेजहरु गुणस्तर तथा सुलभताको दृष्टिले शैक्षिक गन्तब्य नै बनिरहेका छन्,’ विज्ञप्तिमा भनिएको छ, ‘यो फेयरले यि र यस्ता विषयमा बिद्यार्थीहरुलाई यथेष्ट जानकारी प्रदान गर्ने छ । त्यसैगरी अध्ययनका लागि वार्षिक रुपमा अरबौं रुपयाँ बाहिरने क्रमलाई न्यूनिकरण गर्न पनि यो फेयर सहयोगशिद्ध हुने हामीले विश्वास लिएका छौं ।
