एक्स ओ क्लब उद्घाटन, नेपालकै नाइट लाइफमा नयाँ युग
२० भदौ, काठमाडौं।
राजधानी काठमाडौंले नयाँ धड्कन पाएको छ।
एक्स ओ क्लबको भव्य उद्घाटनसँगै नेपालको नाइट लाइफ अब आकार, ध्वनि र अनुभवको नयाँ युगमा प्रवेश गरेको छ। करिब ३० करोड रुपैयाँको लगानीमा बनेको यो स्थलले देशको मनोरञ्जन क्षेत्रमा नयाँ स्तर स्थापित गरेको छ।
सुरुवातदेखि नै एक्स ओ क्लबले आफू फरक हुने वाचा गरेको थियो। आधिकारिक उद्घाटन हुनुअघि नै आयोजित विशेष अन्डर–कन्स्ट्रक्सन पार्टी विद AFTERHOURS ले काठमाडौंलाई पहिलो पटक विश्वस्तरीय क्लबको अनुभव दिएको थियो।
नेपालमै पहिलो पटक एडमसन स्पिकर (Adamson Speakers) जडान गरिएको छ, जुन विश्वका ठूला क्लब र फेस्टिभलहरूले प्रयोग गर्दै आएका छन्। यसलाई क्यानडाबाट आएका कार्लोस सालाबेरीले व्यक्तिगत रूपमा ट्युन गरेका हुन्।
अत्याधुनिक लाइटिङ, साउण्डप्रुफिङ र प्राविधिक संयोजनसँगै यो स्थल संगीतप्रेमीहरूलाई पूर्णतया डुब्ने अनुभव दिन तयार गरिएको छ।
यसको प्रविधि र अनुभव मात्र नभई पछाडिको टिम पनि उत्तिकै सक्षम छ। टिम एक्सएल (Team XL) का संस्थापक शशिन्द्र चित्रकारको नेतृत्वमा बनेको यस परियोजनामा बिनय अमात्य (प्रोजेक्ट स्टुडियो प्रोडक्सनका संस्थापक तथा ख्यातिप्राप्त अडियो इञ्जिनियर) समेत संलग्न छन्।
१०० भन्दा बढी जनशक्तिको टोलीले अन्तर्राष्ट्रिय स्तरको सेवा सुनिश्चित गरेको छ।
