नेपालमा सार्वजनिक भयो रेडमी नोट १५ ५जी: १८०MP क्यामेरा र शक्तिशाली ब्याट्रीसहित यस्तो छ मूल्य
२८ फागुन, काठमाडौँ ।
विश्वप्रसिद्ध प्रविधि कम्पनी शाओमीले नेपाली बजारमा आफ्नो नयाँ स्मार्टफोन रेडमी नोट १५ ५जी (Redmi Note 15 5G) सार्वजनिक गरेको छ। यो स्मार्टफोन विशेषगरी अल्ट्रा–स्लिम डिजाइन, शक्तिशाली ब्याट्री, उच्च प्रदर्शन र प्रिमियम फिचरका साथ नेपाली प्रयोगकर्ताहरूको डिजिटल अनुभवलाई थप उत्कृष्ट बनाउन ल्याइएको कम्पनीले जनाएको छ।
आकर्षक डिजाइन र बनावट रेडमी नोट १५ ५जी ब्ल्याक, ग्लेसियर ब्लु र मिस्ट पर्पल गरी तीनवटा आकर्षक रङहरूमा उपलब्ध छ। कम्पनीका अनुसार यीमध्ये मिस्ट पर्पल रङ प्रयोगकर्तामाझ सबैभन्दा बढी लोकप्रिय देखिएको छ।
रेडमी सिरिजकै इतिहासमा अहिलेसम्मको सबैभन्दा पातलो मानिएको यो डिभाइस हल्का हुनुका साथै प्रयोग गर्न निकै सहज र आनन्ददायी छ। यसको आधुनिक लुकले प्रयोगकर्ताको स्टाइललाई नयाँ उचाइ दिने विश्वास लिइएको छ।
शक्तिशाली ब्याट्री र टर्बो चार्जिङ डिभाइसमा ५५२० mAh क्षमताको ठूलो ब्याट्री राखिएको छ, जसले सामान्य प्रयोगमा झण्डै २ दिनसम्मको ब्याट्री ब्याकअप प्रदान गर्छ। यसमा ४५ वाटको टर्बो चार्जिङ सुविधा छ, जसले फोनलाई छिटो चार्ज गर्न मद्दत गर्छ।
साथै, स्मार्ट चार्जिङ इन्जिनले ब्याट्रीको स्वास्थ्य र आयुलाई लामो समयसम्म जोगाइराख्छ। यस फोनबाट एकै पटकमा २१ घण्टासम्म भिडियो हेर्न वा १० घण्टासम्म भिडियो रेकर्डिङ गर्न सकिने क्षमता रहेको छ।
उत्कृष्ट डिस्प्ले र उच्च प्रदर्शन फोनमा ६.७७ इन्चको OLED डिस्प्ले प्रयोग गरिएको छ। ३२०० निट्सको अधिकतम ब्राइटनेसका कारण चर्को घाममा पनि स्क्रिन स्पष्ट देखिन्छ। आँखाको सुरक्षाका लागि यसमा ३८४० हर्जको PWM डिमिङ प्रविधि जडान गरिएको छ।
Advertisement
प्रदर्शनका लागि यसमा शक्तिशाली Snapdragon 6 Gen 3 प्रोसेसर राखिएको छ। २४ जीबीसम्मको र्याम (RAM) सपोर्ट गर्ने यो स्मार्टफोनले मल्टिटास्किङ र गेमिङमा निकै स्मूद अनुभव प्रदान गर्छ।
फोटोग्राफी र मनोरञ्जन फोटोग्राफीका सौखिनहरूका लागि यसमा १८० मेगापिक्सेलको मुख्य क्यामेरा, ८ मेगापिक्सेलको अल्ट्रा–वाइड र २० मेगापिक्सेलको सेल्फी क्यामेरा उपलब्ध छ। एआई (AI) सक्षम फिचर र इमेज स्टेबलाइजेसनले गर्दा फोटो र भिडियोहरू व्यावसायिक स्तरको स्पष्ट र विस्तृत आउँछन्।
मनोरञ्जनका लागि यसमा रहेका डुअल स्पिकर्स र डायनामिक शट्स २.० जस्ता फिचरहरूले प्रयोगकर्तालाई छुट्टै अनुभूति दिनेछन्।
सुरक्षा र उपलब्धता सुरक्षाका लागि यसमा इन–स्क्रिन फिंगरप्रिन्ट सेन्सर र एआई फेस अनलकको सुविधा छ। पानी र धुलोबाट जोगाउन यो डिभाइस वाटर–रेसिस्टेन्स प्रमाणित छ भने वेट टच टेक्नोलोजीका कारण स्क्रिन भिजेको अवस्थामा पनि सहजै चलाउन सकिन्छ।
नेपाली बजारमा यो स्मार्टफोन ८/२५६ जीबी भेरियन्टको मूल्य रु. ३९,९९९ र १२/५१२ जीबी भेरियन्टको मूल्य रु. ४६,९९९ तोकिएको छ। यो फोन देशभरका आधिकारिक स्टोरहरूबाट खरिद गर्न सकिनेछ।
For more: Xiaomi Ultra-Slim Redmi Note 15 5G in Nepal
