३० भदौ, काठमाडौं ।
सूचना प्रविधि कम्पनी स्मार्ट दाईले आफ्नो नयाँ एप सार्वजनिक गरेको छ। यो एपले घरमै बसेर विभिन्न खाले सेवा लिन चाहने उपभोक्ता र सेवा प्रदायकबीचको खाडल पुर्ने लक्ष्य लिएको छ।
अब तपाईंले घरको विद्युतीय उपकरण बिग्रियो भने, प्लम्बिङको काम गर्नुपर्यो भने, वा घर सफा गर्नुपर्यो भने स्मार्ट दाई एपमार्फत सजिलै सेवा लिन सक्नुहुन्छ। यसका लागि तपाईंले आफ्नो मोबाइलमा यो एप डाउनलोड गरेर के चाहिने सेवा हो, त्यो छान्नु पर्ने हुन्छ।
एपले तपाईंको नजिकका सेवा प्रदायकहरूको सूची देखाउनेछ र तपाईंले आफूलाई मन पर्ने सेवा प्रदायक छनोट गर्न सक्नुहुन्छ।
स्मार्ट दाईले यो एपलाई एन्ड्रोइड र आइओएस दुवै प्लेटफर्मका लागि उपलब्ध गराएको छ। यसबाहेक, कम्पनीको वेबसाइटबाट पनि सेवा लिन सकिन्छ।
कम्पनीका अनुसार, विशेषगरी शहरी क्षेत्रमा बस्नेहरूलाई लक्षित गरेर यो एप बनाइएको हो। यसले उपभोक्तालाई समयको बचत गर्नेछ भने सेवा प्रदायकहरूलाई नयाँ ग्राहक पाउन सहयोग गर्नेछ।
स्मार्ट दाईले भविष्यमा यो एपमा थप सुविधा थप्ने योजना बनाएको छ। कम्पनीले यस एपलाई निरन्तर सुधार गर्दै, प्रयोगकर्ता मैत्री र गुणस्तरीय सेवा प्रदान गर्न प्रतिबद्धता जनाएको छ।
