सिद्धार्थ बैंकद्वारा ग्लोबल मनी विक २०२६ भव्य रूपमा सम्पन्न: २६०० भन्दा बढी विद्यार्थी लाभान्वित
१० चैत, काठमाडौँ।
सिद्धार्थ बैंक लिमिटेडले युवा तथा विद्यार्थीहरूमा वित्तीय सचेतना जगाउने उद्देश्यका साथ १६ देखि २२ मार्च २०२६ सम्म विश्वव्यापी रूपमा मनाइएको “Global Money Week 2026” अन्तर्गतका विभिन्न कार्यक्रमहरू सफलतापूर्वक सम्पन्न गरेको छ ।
‘Smart Money Talks’ भन्ने यस वर्षको मूल नारालाई आत्मसाथ गर्दै बैंकले देशका सातै प्रदेशमा आफ्नो उपस्थिति जनाएको छ ।
सातै प्रदेशमा वित्तीय साक्षरताको लहर
बैंकले विद्यार्थीहरूलाई आर्थिक रूपमा सक्षम र सचेत बनाउन देशभरका विद्यालय तथा क्याम्पसहरू गरी कुल ३८ स्थानमा वित्तीय साक्षरता कार्यक्रमहरू सञ्चालन गरेको थियो । यस अभियानका मुख्य उपलब्धिहरू यस प्रकार छन्:
व्यापक सहभागिता: साक्षरता कार्यक्रमहरूमा २,१७१ जना विद्यार्थीहरूको प्रत्यक्ष सहभागिता रहेको थियो ।
डिजिटल बैंकिङ्ग शिक्षा: कार्यक्रममा बैंकले प्रदान गर्ने सेवाहरू, डिजिटल कारोबारको महत्त्व र यसमा अपनाउनुपर्ने सुरक्षा सावधानीका बारेमा विस्तृत जानकारी दिइएको थियो ।
व्यवहारिक सिकाई: विद्यार्थीहरूको वित्तीय ज्ञान, सीप र मनोवृत्तिमा सुधार ल्याई उनीहरूलाई जिम्मेवार आर्थिक व्यवहार सिकाउनु यसको मुख्य उद्देश्य रहेको थियो।
बैंक शाखा भ्रमण र प्रयोगात्मक अनुभव
सैद्धान्तिक ज्ञानका साथै विद्यार्थीहरूलाई बैंकिङ्ग प्रणालीको व्यवहारिक अनुभव दिलाउन बैंकले विशेष ‘ब्रान्च भिजिट’ कार्यक्रम समेत आयोजना गरेको थियो:
Advertisement
प्रत्यक्ष अवलोकन: कुल ४७८ जना विद्यार्थीहरूले बैंकका विभिन्न शाखाहरूको भ्रमण गरी आधारभूत बैंकिङ्ग सञ्चालन प्रक्रियाका बारेमा जानकारी लिएका थिए ।
बैंकिङ्ग माध्यमको पहिचान: विद्यार्थीहरूलाई विभिन्न बैंकिङ्ग माध्यमहरूका बारेमा व्यवहारिक रूपमा शिक्षा प्रदान गरिएको थियो ।
कुल प्रभाव र सामाजिक सञ्जाल अभियान
सिद्धार्थ बैंकले ग्लोबल मनी विक २०२६ को अवसरमा कुल ५१ वटा विभिन्न कार्यक्रमहरू मार्फत २,६४९ जना विद्यार्थीहरूलाई प्रत्यक्ष रूपमा वित्तीय शिक्षा प्रदान गर्न सफल भएको छ ।
यसका साथै, बैंकले डिजिटल प्लेटफर्मको प्रयोग गर्दै साताभरि नै आफ्ना आधिकारिक सामाजिक सञ्जालहरूबाट जानकारीमूलक सामग्रीहरू समेत प्रकाशन गरेको थियो ।
जसले गर्दा बैंकको पहुँचमा रहेका सबै वर्ग, क्षेत्र र समुदायसम्म वित्तीय सचेतना पुग्न सकेको छ ।
देशका सबै नागरिकलाई वित्तीय रूपमा सक्षम बनाउने दीर्घकालीन लक्ष्यका साथ सिद्धार्थ बैंकले यस्ता कार्यक्रमहरूलाई प्राथमिकता दिँदै आएको छ ।
यस वर्षको ‘ग्लोबल मनी विक’ का कार्यक्रमहरूले वित्तीय साक्षरताको आवश्यकता र महत्त्वबारे जनचेतना फैलाउन महत्वपूर्ण योगदान पुर्याएको बैंकले विश्वास व्यक्त गरेको छ।
For more: Siddhartha Bank Money Week 2026
