१४ भदौ, काठमाडौं।
सामसुङले नेपालमा आफ्नो लोकप्रिय ए-शृङ्खलालाई विस्तार गर्दै नयाँ ग्यालेक्सी ए१७ फाइभजी सार्वजनिक गरेको छ । यस स्मार्टफोनको मूल्य ३४ हजार ९९९ रुपैयाँ (८/२५६ जीबी), ३० हजार ९९९ (८/१२८ जीबी) रुपैयाँ र २८ हजार ९९९ रुपैयाँ (६/१२८ जीबी) तोकिएको छ ।
ग्यालेक्सी ए१७ फाइभजीमा ६.७ इन्च सुपर अमोलेड पर्दा, ९० हर्ज रिफ्रेस दरसहित, अझ पातलो तथा हल्का डिजाइन, र सिधा रेखामा समूहबद्ध गरिएको क्यामेरा सेटअप रहेको छ । यसमा ५० मेगापिक्सेल ओआईएस मुख्य क्यामेरा, ५ मेगापिक्सेल अल्ट्रा–वाइड र २ मेगापिक्सेल म्याक्रो लेन्स राखिएको छ, जसले विभिन्न खिचाइका विकल्प उपलब्ध गराउँछ ।
यसमा जेमिनी एकीकृत प्रणाली, जेमिनी लाइभ र सर्कल टु सर्च जस्ता कृत्रिम बौद्धिकता उपकरणहरू प्रयोग गर्न सकिन्छ, जसले प्रयोगकर्ताको दैनिक जीवनलाई अझ सहज र स्मार्ट बनाउने कम्पनीको दाबी छ ।
सामसुङ नेपालका निर्देशक प्रणयरत्न स्थापितका अनुसार ग्यालेक्सी ए१७ फाइभजीमार्फत उपभोक्तालाई अझ स्मार्ट, सहज र व्यक्तिगत अनुभव दिने लक्ष्य राखिएको हो । उनका अनुसार प्रिमियम उपकरणमै सीमित रहेका नवप्रवर्तन अब सबैलाई उपलब्ध हुनेछन् ।
ग्यालेक्सी ए१७ फाइभजीमा गोरीला ग्लास भिक्टस, आईपी ५४ धुलो तथा छिटा प्रतिरोध जस्ता मजबुत सुरक्षा विशेषतासहित छ वर्षको सुरक्षा अद्यावधिक र छ पटक सञ्चालन प्रणाली अद्यावधिकको व्यवस्था गरिएको छ ।
यससँगै सामसुङले नेपालमा आफ्नो मध्य-श्रेणी पोर्टफोलियोलाई अझ मजबुत बनाउँदै उपभोक्तालाई कृत्रिम बौद्धिकता नवप्रवर्तन, शैली, प्रदर्शन, टिकाउपन र पहुँचयोग्यताको उत्कृष्ट संयोजन उपलब्ध गराएको जनाएको छ ।
For More:-Samsung Galaxy A17 5G Nepal
