समता घरेलु लघुवित्तको लाभांश घोषणा: बोनस र नगद कति?
२८ मंसिर, काठमाडौं ।
समता घरेलु लघुवित्त वित्तीय संस्था लिमिटेडले आर्थिक वर्ष २०८१/८२ का लागि ५.२६३२ प्रतिशत लाभांश प्रस्ताव गरेको छ। संस्थाको मंसिर २७ गते बसेको सञ्चालक समितिको बैठकले उक्त लाभांश वितरण गर्ने निर्णय गरेको हो।
प्रस्तावअनुसार, हाल कायम चुक्ता पूँजी ६२ करोड ९० लाख ५१ हजार ५६४ रुपैयाँको आधारमा शेयरधनीहरुलाई ५ प्रतिशत बोनस शेयर र कर प्रयोजनका लागि ०.२६३२ प्रतिशत नगद लाभांश वितरण गरिनेछ। यसअनुसार कुल लाभांश रकम ३ करोड ३१ लाख ७ हजार ९७७ रुपैयाँ ०९ पैसा बराबर हुने जनाइएको छ।
Advertisement
संस्थाले जनाएको अनुसार प्रस्तावित लाभांश नेपाल राष्ट्र बैंकको स्वीकृति तथा आगामी वार्षिक साधारणसभा (AGM) बाट पारित भएपछि मात्र सम्बन्धित शेयरधनीहरुलाई वितरण गरिनेछ।
समता घरेलु लघुवित्तले नियमित रूपमा लाभांश वितरण गर्दै आएको संस्थाका रूपमा परिचित छ। यस पटकको लाभांश प्रस्तावले पनि शेयरधनीहरूलाई प्रतिफल प्रदान गर्ने अपेक्षा गरिएको छ।
For More:-Samata Microfinance Dividend Announcement
