१९ मंसीर, काठमाडौं ।
स्टक ब्रोकर एसोसिएसन अफ नेपालको नयाँ कार्यसमितिका लागि सागर ढकाल नेतृत्वको समूहले आज औपचारिक रूपमा आफ्नो उम्मेदवारी घोषणा गरेको छ।
Sagar Dhakal Group’s Candidacy
काठमाडौंमा आयोजित कार्यक्रममा ढकालले अध्यक्ष पदमा उम्मेदवारी दिने घोषणा गरेका छन्। यसैगरी, नितेशकुमार अग्रवाल उपाध्यक्ष, भक्तिराम घिमिरे महासचिव, मदन पौडेल कोषाध्यक्ष, र कृष्ण गिरी सचिव पदका लागि उम्मेदवार रहेका छन्। सदस्य पदका लागि जयन्त श्रीवास्तव, अतित लाल श्रेष्ठ, र हरिप्रसाद वाग्लेले उम्मेदवारी घोषणा गरेका छन्।
ढकालले कार्यक्रममा आफ्नो २३ बुँदे प्रतिबद्धता प्रस्तुत गर्दै पुँजी बजारको सुधार र आधुनिकीकरणका लागि विभिन्न महत्वाकांक्षी योजनाहरू अघि सारे।
मुख्य प्रतिबद्धताहरू यसप्रकार छन्:
वित्तीय र कारोबार औजारहरूको विकास: पुँजी बजारमा मार्जिन ट्रेडिङ, इन्ट्रा डे ट्रेडिङ, सर्ट सेलिङ, र इक्विटी डेरिभेटिभ जस्ता अत्यावश्यक उपकरणहरूको सुरुवात र विकासका लागि पहल गर्ने।
लगानी सेवाहरूको विस्तार: लगानी व्यवस्थापन सेवा, एड्भाइजरी सेवा, मार्जिन लेन्डिङ, र प्रत्याभूति सेवाका साथै योग्य संस्थागत लगानीकर्ताका रूपमा कार्य गर्न पाउने सेवा उपलब्ध गराउन पहल गर्ने।
कारोबार सीमा विस्तार: हाल बैंक ग्यारेन्टीको २५ गुणासम्म रहेको कारोबार सीमालाई ५० गुणासम्म पुर्याउन पहल गर्ने।
नियमावली संशोधनका लागि पहल: २० करोड रुपैयाँ पुँजी भएका धितोपत्र दलाल कम्पनीहरूले मार्जिन लेन्डिङ र लगानी व्यवस्थापन सेवा प्रदान गर्न सक्ने गरी आवश्यक नियमावली संशोधन गर्ने।
ढकाल समूहको योजनाले पुँजी बजारमा नयाँ प्रविधि र सेवाहरू भित्र्याई नेपालका लगानीकर्ता र ब्रोकरहरूलाई विश्वस्तरको सेवा प्रदान गर्न महत्त्वपूर्ण योगदान पुर्याउने अपेक्षा गरिएको छ।
For more: Sagar Dhakal Group’s Candidacy
