पूर्व गृहमन्त्री रमेश लेखक भक्तपुरबाट पक्राउ: ‘जेन-जी’ आन्दोलन दमनको मुद्दामा अनुसन्धान सुरु
१४ चैत, काठमाडौँ।
पूर्व गृहमन्त्री एवं नेपाली कांग्रेसका नेता रमेश लेखकलाई प्रहरीले शनिबार बिहान भक्तपुरको कटुञ्जेस्थित आफ्नै निवासबाट पक्राउ गरेको छ। उपत्यका अपराध अनुसन्धान कार्यालय र सशस्त्र प्रहरीको संयुक्त टोलीले उनलाई नियन्त्रणमा लिएको हो।
किन पक्राउ परे लेखक?
लेखकलाई गत भदौ महिनामा भएको ‘जेन-जी’ (Gen-Z) आन्दोलनका क्रममा भएको दमन र मानवीय क्षतिको आरोपमा पक्राउ गरिएको हो। सरकारले गठन गरेको गौरीबहादुर कार्की नेतृत्वको छानबिन आयोगले तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई ‘फौजदारी लापरवाही’ को दोषी ठहर गर्दै कानुनी कारबाहीका लागि सिफारिस गरेको थियो।
Advertisement
गृह मन्त्रालयको किटानी जाहेरी
नवनियुक्त प्रधानमन्त्री बालेन शाहको पहिलो मन्त्रिपरिषद् बैठकले आयोगको प्रतिवेदन कार्यान्वयन गर्ने निर्णय गरेलगत्तै गृह मन्त्रालय आफैँ जाहेरीकर्ता बनेर प्रहरीलाई पत्र पठाएको थियो। सोही किटानी जाहेरीका आधारमा प्रहरीले ‘जरुरी पक्राउ पुर्जी’ थमाएर लेखकलाई नियन्त्रणमा लिएको हो।
न्यायको सुरुवात: गृहमन्त्री सुदन गुरुङ
पक्राउ लगत्तै गृहमन्त्री सुदन गुरुङले सामाजिक सञ्जालमार्फत यो कसैप्रति प्रतिशोध नभई न्यायको सुरुवात भएको बताउनुभएको छ। उहाँले भन्नुभएको छ, “कानुनभन्दा माथि कोही छैन… यो देशले अब नयाँ दिशा लिनेछ।”
For more: Ramesh Lekhak Arrested Over Gen-Z Protest
