१३ भदौ, काठमाडौं।
ओमोडा एण्ड जेकुको आधिकारिक वितरक ईलाइट मोटर्स प्रालि ले पोखरामा नयाँ शोरूम उद्घाटन गरेको छ। पोखरा–१० शिवचोकमा अवस्थित यो शोरूम अत्याधुनिक ३एस (सेल्स, सर्भिस र स्पेयर) सुविधासहित सञ्चालनमा आएको छ।
करिब २०,००० वर्गफुट क्षेत्रफलमा फैलिएको यो शोरूम ग्राहकलाई एउटै स्थानमा सम्पूर्ण सेवा उपलब्ध गराउने उद्देश्यले तयार गरिएको हो।
जेकु जे५ सार्वजनिक
शोरूम उद्घाटनसँगै ओमोडा एण्ड जेकुले आफ्नो नयाँ लक्जरी एसयुभी जेकु जे५ औपचारिक रूपमा सार्वजनिक गरेको छ। नाइमा एक्स्पोमा पहिलोपटक प्रदर्शित यो गाडीले आफ्ना शक्तिशाली विशेषता र आकर्षक डिजाइनका कारण लक्जरी एसयुभी वर्गमा छुट्टै पहिचान बनाउन सफल भएको छ।
जेकु जे५ का प्रमुख विशेषता
१८५ मिलिमिटर ग्राउन्ड क्लेरेन्स
प्यानोरामिक सनरूफ (वर्गमै अगाडि)
१८ इन्च अलोय ह्वीलसहित स्पेयर टायर
४६१ किलोमिटर ड्राइभिङ रेन्ज
४८० लिटर बुट स्पेस
यी सुविधाले जेकु जे५ लाई नेपाली बजारमा प्रिमियम र आकर्षक विकल्प बनाउँछ।
अत्याधुनिक सर्भिस सुविधा
शोरूममा स्थापित सर्भिस सेन्टर अन्तर्राष्ट्रिय मापदण्डअनुसार तयार पारिएको छ। यहाँका प्राविधिकहरूले विशेष प्रशिक्षण पाएका छन् जसले बिक्रीपश्चात प्रदान गरिने सेवाको गुणस्तरलाई अझै मजबुत बनाउनेछ।
उद्घाटन समारोह
कार्यक्रममा प्रमुख अतिथिका रूपमा गण्डकी प्रदेशका सामाजिक, युवा तथा खेलकुद मन्त्री बिन्दु कुमार थापा, प्रदेश सांसद प्रकाश बराल, एसपीजी अटोमोबाइल्सका प्रबन्ध निर्देशक सन्दीप कुमार शारदा, निर्देशक गौरव शारदा, सञ्चारकर्मी र ओमोडा समर्थकहरूको उपस्थिती थियो।
ईलाइट मोटर्स प्रालिका प्रबन्ध निर्देशक गोपाल बरालले भने:
“पोखरा हाम्रो लागि प्रमुख बजार हो। नयाँ शोरूम र प्रिमियम उत्पादनमार्फत ग्राहकलाई अझ उन्नत अनुभव प्रदान गर्ने हाम्रो प्रतिबद्धतालाई हामीले पुनः सुनिश्चित गरेका छौँ। जेकु जे५ हाम्रो अत्याधुनिक प्रविधि र नेपालमा दिगो गतिशीलता प्रोत्साहन गर्ने हाम्रो मिशनको प्रतीक हो।”
For more: Omoda & Jaecoo open new showroom in Pokhara
