५ मंसिर, काठमाडौँ।
आगामी मंसिर १५ गतेदेखि काठमाडौंमा आयोजना हुन गइरहेको नेपाल प्रिमियर लिग (एनपीएल) २०८१ को प्रथम संस्करणका लागि सुदूरपश्चिमी रोयल्स र नेपाल टेलिकमबीच प्रायोजन सम्बन्धी समझदारीपत्र आदानप्रदान भएको छ।
NPL 2081 Sponsorship Agreement
उक्त कार्यक्रम नेपाल टेलिकमको केन्द्रीय कार्यालयमा मंसिर ४ गते सम्पन्न भयो।
नेपाल टेलिकमको तर्फबाट प्रबन्ध निर्देशक संगीता पहाडी अर्याल र सुदूरपश्चिमी रोयल्सका प्रमुख कार्यकारी अधिकृत प्रकाश खड्काले समझदारीपत्रमा हस्ताक्षर गरे।
यस समझदारी अनुसार, नेपाल टेलिकम एनपीएल २०८१ का लागि सुदूरपश्चिमी रोयल्सको टेलिकम पार्टनरको रुपमा रहनेछ।
समारोहमा, नेपाल टेलिकमकी प्रबन्ध निर्देशक संगीता पहाडी अर्यालले नेपालको खेलकुद क्षेत्रको वृहत्तर विकासका लागि नेपाल टेलिकमले निरन्तर योगदान दिँदै आएको उल्लेख गर्दै, नेपाली क्रिकेटको लामो इतिहासको सन्दर्भमा एनपीएल २०८१ मा सुदूरपश्चिमी रोयल्ससँग जोडिन पाउँदा खुसी लागेको बताइन्।
उनले नेपाली क्रिकेटलाई नयाँ उचाइमा पुर्याउने विश्वास व्यक्त गर्दै, यो प्रतियोगिता नेपाली खेलकुदको विकासमा महत्वपूर्ण कोशेढुङ्गा साबित हुने धारणा राखिन्।
साथै, सुदूरपश्चिमी रोयल्सलाई सहकार्यका लागि हार्दिक आभार व्यक्त गर्दै सफलताको शुभकामना दिइन्।
For more: NPL 2081 Sponsorship Agreement
