२६ भदौ, काठमाडौं।
नेपाल राष्ट्र बैंकले इजाजतपत्र प्राप्त बैंक, विकास बैंक, वित्त कम्पनी तथा भुक्तानी सम्बन्धी कार्य गर्ने संस्थाहरूलाई सीमित कर्मचारी मार्फत अत्यावश्यक सेवा सञ्चालन गर्न निर्देशन दिएको छ ।
राष्ट्र बैंकले शुक्रबार एक सूचना जारी गर्दै नेपाल सरकार रक्षा मन्त्रालय र नेपाली सेनाको २०८२ भदौ २५ गते जारी गरिएको विज्ञप्तिअनुसार आवतजावत हुनेगरी संवेदनशील प्रणाली (Critical System) सञ्चालन गर्न भनेको छ ।
बैंकले आफ्नो व्यावसायिक निरन्तरता (Business Continuity) लाई ध्यानमा राख्दै अत्यावश्यक बैंकिङ तथा डिजिटल भुक्तानी सम्बन्धी सेवा सुचारु गर्न आग्रह गरेको छ ।
यसका साथै, अन्य प्रणालीको हकमा भने जोखिमको मूल्याङ्कन गरी Remote Access मार्फत सञ्चालनको व्यवस्था मिलाउन पनि राष्ट्र बैंकले निर्देशन दिएको छ । सञ्चालनमा रहेका शाखा, एटीएम र अन्य उपलब्ध सेवासम्बन्धी जानकारी सर्वसाधारणलाई आफ्नो वेबसाइट र सामाजिक सञ्जाल मार्फत गराउन समेत सूचनामा उल्लेख छ ।
For More:-Nepal Rastra Bank essential services
