१८ असार, काठमाडौं ।
एनसेलले आफ्नो ‘सधैँ अन करोडपति’ योजना अन्तर्गत दोस्रो हप्ता सम्ममा २० जना भाग्यशाली ग्राहकहरु छानेको छ । यसरी छानिएका साप्ताहिक विजेता ग्राहकहरुलाई कम्पनीले प्रक्रिया पुर्याई घोषणा गरे बमोजिम नगद पुरस्कार वितरण गर्दै आएको जनाएको छ ।
Ncell Sadhain On Crorepati Winners
‘सधैँ अन करोडपति’ एनसेलको हाल सञ्चालन रहेको एक ठूलो ग्राहक योजना हो । योजनामा हरेक हप्ता १० जनाले १/१ लाख पाउँछन् भने अन्तिममा १ जना भाग्यशाली विजेता ग्राहकले नगद १ करोड बम्पर पुरस्कार पाउँनेछ ।
“मैले रु ९९ को रिन्यूअल प्याक लिएको थिएँ, २ वटा टिकट आएको थियो । दोस्रो हप्तामा १ लाख जिते । मैले जित्छु भन्ने विश्वास नै लागेको थिएन । एकदम खुसी छु । मलाई ल्यापटपको धेरै आवश्यक थियो अब किन्छु । मेरो पढाई र काममा ठूलो सहयोग हुन्छ,” कुम्मायक गाउँपालिका, वडा ४, पाँचचरकी सुजाता तामाङ्ले भनिन् । हाल उनी अध्ययन र कामको शीलशीलामा काठमाडौंमा छिन् ।
यो योजनामा नगद पुरस्कारका साथै सहभागी हुने प्रत्येक ग्राहकले डेटा, भ्वाइस वा डिजिटल सेवालगायत विभिन्न सेवा बोनस स्वरुप प्राप्त गर्दछन् ।
विजेता ग्राहकहरुलाई एनसेल आफैले पनि सम्पर्क गर्ने र घोषणा भईसकेपछि नगद पुरस्कार लिनका लागि ढिलामा ३५ दिनभित्र कम्पनीको सम्पर्कमा आईसक्नु पर्ने एनसेलले जनाएको छ ।
“म किसानको छोरो, कार्यलय सहायोगीको काम गर्छु । यो १ लाख भनेको त मेरो लागि करोडपति नै जस्तो लाग्छ । साँच्चै हुने रहेछ! धेरै खुसी लाग्यो । म यो पैसा बच्चाहरुको पढाई, लेखाई र घर गृहस्थीमा खर्च गर्छु,” गढवा गाउँपालिका, वडा नं. ६, बालापुर, दाङ्का लक्ष्मण यादवले भने । उनी दोस्रो हप्ताका १० जना १ लाख नगद पुरस्कार विजेता मध्येका एक हुन् ।
आइतबार देखि शनिबार सम्मको साप्ताहिक चक्रअनुसार संचालन भईरहेको यो योजना असार १ देखि १२ हप्ताका लागि सञ्चालनमा रहने एनसेलले बताएको छ । एनसेलले हरेक हप्ता साँझ ६:३० बजे कान्तिपुर टिभी, एनसेल एप र कम्पनीको यूट्युव च्यानल मार्फत १ लाख नगद पुरस्कार विजेता ग्राहकहरु छान्दै आएको छ ।
दोस्रो हप्ताका १ लाख नगर पुरस्कार जित्ने १० वटा टिकट नम्बरहरु निम्न अनुसार रहेका छन् ।
डब्लु२–०३६२३२५५
डब्लु२–०१९९०८३५
डब्लु२–०३३००२८९
डब्लु२–०१९६०५२१
डब्लु२–०००९५५६१
डब्लु२–०२९४६१२५
डब्लु२–००४०३५१३
डब्लु२–०३०५८१४३
डब्लु२–०२०४९५६०
डब्लु२–०२१७७३४७
यो योजनामा सहभागी हुन ग्राहकहरूले कम्तीमा ९९ रुपैयाँ वा सोभन्दामाथिको कुनै पनि एनसेल सेवा—जस्तै नयाँ सिम, डेटा प्याक, भ्वाइसप्याक, एसएमएस प्याक, रोमिङ प्याक वा कम्बो प्याक लिनु पर्दछ ।
ग्राहकहरूले *१२३# डायल गरी, नजिकको आधिकारिक खुद्रा विक्रेता वाएनसेल सेन्टरमा गई, अथवा एनसेल एप, एनसेल वेबसाइटमार्फत एनसेलसेवाहरु लिन सक्छन् । त्यसैगरी एनसेल प्याक खरिद समर्थनगर्ने नेपालमा दर्ता भएका कुनै पनि डिजिटल वालेट वा बैंक प्लेट फर्म मार्फत एनसेल सेवा लिन सकिन्छ ।
हरेक ९९ रुपैयाँ बराबरको सेवा खरिद गर्दा ग्राहकले योजनाको १ वटा टिकट प्राप्त गर्छन् । यदि ग्राहकहरुले ४९९ रुपैयाँ बराबरको सेवा खरिद गर्छन् भने, उनीहरूले ५ वटा टिकट प्राप्त गर्दछन् ।
यो योजनाको अर्को विषेशता भनेको खुद्रा विक्रेताले समेत नगद पुरस्कार पाउने व्यवस्था हो । विक्रेताले आफ्नो पसलबाट रु ९९ वा त्यो भन्दा माथिका सेवा वा प्याक विक्री गरेको ग्राहकले यो योजनामा १ लाख जितेमा विक्रेताले नगद २५ हजार र बम्परको १ करोड जितेमा १ लाख जित्ने छन् । यसका साथै योजनासँग सम्बन्धित कमिसन र अन्य फाइदा पनि पाउँछन् ।
मिथिला नगरपालिका, वडा ३ मा रहेको शिभिका स्टोरले रु ५९९ को सधैं अन रिन्यूअल प्याक बेचेको ग्राहकले योजनाको पहिलो हप्तामा रु १ लाख जितेका थिए । “मैले सधैं अन रिन्यूअल प्याक लिई दिएको ग्राहकले रु १ लाख जितेकोले मैले पनि छुट्टै रु २५ हजार नगद पुरस्कार पाएँ । एकदमै खुसी छु,” शिभिका स्टोरका अमित चौधरीले भने । उनको विजयी ग्राहकले १२ वटा टिकटहरु पाएका थिए ।
यस योजनाको अर्को ठूलो विशेषता भनेको रिन्यूअल वा रोमिङ सेवा खरिद गर्दा ग्राहकले नगद पुरस्कार जित्ने दोब्बर मौका प्राप्त गर्ने हो । उदाहरणका लागि, सामान्य रूपमा ९९ रुपैयाँको सेवा वा प्याक खरिद गर्दा १ वटा टिकट प्राप्त हुन्छ, तर यदि त्यो सेवा रिन्यूअल वा रोमिङ हो भने ग्राहकले २ वटा टिकटहरु प्राप्त गर्दछन् ।
एनसेल एप मार्फत, *९९९९# डायल गरेर, वा चालु हप्ताका लागि १ र सम्पूर्ण योजना अवधिका लागि २ टाइप गरी ९९९९ मा एसएमएस पठाएर आफुले पाएका टिकटहरू हेर्न सक्ने व्यवस्था गरिएको एनसेलले जनाएको छ ।
कुनैपनि नेपाली बैंकमा खाता र प्यान नम्बर भएका सबै प्रिपेड, पोस्टपेड र वायर–फ्री ग्राहकहरू यस योजनामा सहभागी हुन योग्य छन् । पोस्टपेड प्रयोगकर्ताहरूले मासिक रूपमा सक्रिय रहेर वा नयाँ पोस्टपेड सिम खरिद गरेर सहभागी हुन सक्छन् । पोस्टपेडका हरेक रिन्यूअलमा टिकटहरू स्वचालित रूपमा ग्राहकहरुलाई जारी हुने कम्पनीले जनाएको छ ।
For More:-Ncell Sadhain On Crorepati Winners
